Beste hirurehun migratzaile heldu dira Lampedusara

ERROMA. Bart beste hirurehun migratzaile heldu ziren Italiako Lampedusa uhartera, AdnKronos albiste agentziak argitaratu zuenez. Horiek kontuan harturik, atzo 2.000 etorkin inguru zeuden irlako harrera zentroan —gainezka egin du—. Aurten 127.000 migratzaile baino gehiago heldu dira Italiara, iaz epe berean heldutakoak halako bi ia.