Euritea Frantzian
Bost hildako, bi desagertu eta lau mila pertsona aterperik gabe utzi ditu eguraldi txarrak Frantzia hegoekialdean
Alertan daude Frantziako hamaika departamendu. Atzo arratsaldean hasita ikaragarrizko euri jasak izan dira Marsella-Lyon inguruan eta ondorio latzak utzi dituzte. Azken datuen arabera, bost pertsona hil, bi desagertu eta lau mila pertsona aterperik gabe gelditu dira. Jacques Chirac presidentea hondamendi lekuraino hurbildu da eta ondorengo orduetan eurite eta haizete handiak espero dituzte.
Hiru hildako Marsella hirian, bi pertsona desagerturik eta lau mila pertsona aterperik gabe utzi ditu Frantziako Hego ekialdean astelehenaz geroztik jotzen duen eguraldi txarrak, eta alerta gorrian segituko dute arratsalde honetan. Batez ere, Montpellier herrian jasan dituzte kazkabarra eta euri zaparrada handienak. Horren ondorioz, Montpellier eta Marsella arteko komunikabideetan arazo handiak izan dira azken orduetan. Milaka etxe urik, argirik eta telefonorik gabe daude, eta ikasle ugari eskolara joan gabe gelditu dira.
Iruzkinak
Ez dago iruzkinik
Ordenatu
