EBk gaitzetsi egin ditu Netanyahuren okupazio asmoak

BRUSELA. Benjamin Netanyahu Israelgo lehen ministroa hauteskunde kanpainan dago, eta okupatutako Zisjordaniako Jordan Ibarra Israelera anexionatzeko asmoa adierazi du; Zisjordaniako eremuaren herena da hori. Gaitzespen zabala izan du nazioartean: EB Europako Batasunak esan du ez dela «legezkoa», eta Arabiar Ligak «arriskutsutzat» jo ditu lehen ministroaren asmoak.