Ehunka migratzaile atxilotu dituzte Malaysian, pandemiaren aitzakian

KUALA LUMPUR. COVID-19a ez zabaltzeko argudioa erabilita, paperik gabeko migratzaileen aurkako sarekada bat egin zuen atzo Poliziak. «Migratzaileak ezin dira batetik bestera ibili itxialdia indarrean dagoen bitartean. Gainera, inguru gorri gisa identifikatutakoetatik irteten badira, ezinezkoa izango zaigu haiek aurkitzea», azaldu zuen Malaysiako poliziaburuak.