Filipinetan doako osasuna bermatzen duen legea sinatu du presidenteak

MANILA. Filipinetan aurrerantzean doako osasuna bermatua izango dute herritar guztiek. Rodrigo Duterte presidenteak atzo sinatu zuen aspalditik herritarrek espero zuten legea. Agintariaren hitzetan, bereziki «pobreenei eta zaurgarrienei» egingo die on legeak. Filipinetan, herritarren %25 dira pobreak. Gobernuak 4,3 milioi euroko aurrekontua bideratuko du legea aurten indarrean jarri ahal izateko.