Frantziako tropak erretiratzeko exijitu dute Nigerko milaka emakumek

NIAMEI. Nigerko milaka emakume gazte kalera atera ziren atzo Niamein, eta Frantziako tropak herrialdetik erretiratzeko exijitu zuten. Salatu zutenez, Nigerko militarrek uztailaren 26an estatu kolpea eman eta gero kargutik kendu zuten presidente Mohamed Bazoumen «erregimenak alfonbra gorria» jarri dio Frantziari. Ecowaseko ordezkaritza bat Niameira iritsi zen atzo, junta militarrarekin hitz egiteko asmoz.