'Geo Barents' ontziak Palermon porturatuko ditu 367 migratzaileak

ERROMA. Joan den larunbatetik portu seguru batean sartzeko zain zegoen Mugarik Gabeko Medikuak erakundeak kudeatzen duen Geo Barents itsasontzia. Orotara, 367 migratzaile daramatza ontziak, eta atzo jaso zuen Palermon porturatzeko baimena. Itsasontziko arduradunek aukera baliatu zuten gogorarazteko soilik gobernuz kanpoko erakundeak ari direla erreskateak egiten.