Nazio Batuen Erakundeko idazkari nagusi Ban Ki-moonek gogor gaitzetsi du gaur azken egunetan Sirian izaten ari diren gertaerak, eta Damascoko agintariei giza eskubideak betetzeko esktu die. Ban Ki-moonen idazkariak jakinarazi duenez, zibil gehiago hil dira gobernuaren aurkako protestetan.
Hilabete daramate Sirian oposizioko kideak erreforma politikoa eskatzen. Bachar al Asad presidenteak 11 urte daramatza agintean, Hafez al Asad aitarengandik agintea jaso zuenetik. Ban Ki-moonek jakinarazi dio elkarrizketa beste biderik ez dagoela protestak bideratzeko.
Gaur, hala ere, Siriako segurtasun indarrek 21 pertsona atxilotu dituzte. Atzo bost pertsona hil ziren eta hamarka zauritu Poliziak manifestazio bat tiroka sakabanatu zuenean. Giza-eskubideen aldeko erakundeen arabera protestak hasi zirenetik ehun pertsona hil dira.
