Ezbeharra
Gutxienez 50 lagun hil dira Egipton, bi trenek elkar jota
Niloko deltaren inguruan, Kairo hiriburutik 10 kilometro iparraldera, bi trenek elkar jo dute gaur goizean. Talkaren ondoriz, 50 lagunetik gora hil dira, eta 165 bat daude zaurituta.
Zehazki, Kaliubeko geltokian geldirik zegoen tren bat abiada handian zetorren beste batek jo du atzetik. Agintariek agertu dutenez, talka oso handia izan da, eta txikituta geratu dira trenak. 45 abunlantziatik gora bidali dituzte istripuan harrapatutakoak artatzeko, baina dagoeneko, 51koa da hildakoen kopurua Egiptoko telebistaren arabera, eta 165 bat daude zaurituta. Zaurituetako asko oso larri daude, eta, beraz, litekeena da heriotza kopurua handitzea.
Iruzkinak
Ez dago iruzkinik
Ordenatu
