Italiako larrialdi zerbitzuek jakinarazi dutenez, piperbeltz esprai batek eragin du ezbeharra; jendea saldoan ateratzen hasi, eta pilaketak gertatu dira. Corinaldo herriko diskoteka batean izan da, Sfera Ebbasta rap kantari ezagunaren kontzertuan.
Suhiltzaileek berri eman dutenez, mila lagun inguru ari ziren kontzertua ikusten. Sei pertsona hil dira, gazteak gehienak, eta beste hamar lagun larri daude. Zaurituak 120 baino gehiago dira, dena den, pilaketen ondorioz. Polizia gertatutakoa ikertzen ari da.
