France3 kateak jakinarazi du arratsaldeko lehen orduetan ustezko bi erasotzaileak Crepy-en-Valois herrian zeudela, Oise eskualdean, baina Polizia inguruetan dabil horien bila, eta ezer ez dute baieztatu. Ordu batzuk lehenago handik gertu ikusi dituzte, Aisne herrian. Errepideko zerbitzugune batean geratu dira, Renault Clio zuri batean zihoazela. Zerbitzuguneko kudeatzaileak jakinarazi du kaputxa jantzita eta armaturik zeudela eta lapurtu egin dietela. Pariserako bidean zihoazela uste du Poliziak. Herri hori Paris eta Belgikako mugaren artean dago, eta Frantziako Polizia inguruetan kokatu da.
Frantziako estatua eta gizartea astindu ditu Charlie Hebdo egunkariko langileen kontrako erasoak. Hamabi lagunen hilketaren biharamunean, biktimak oroitu dituzte eguerdian, minutu batez isilik egonez. Jendetza batu da hainbat hiritan, eta Ipar Euskal Herrian ere elkarretaratzeak egin dituzte. Baita Europako beste leku batzuetan ere, Europako Parlamentuan kasurako:
Midi, minute de silence émouvante des élus et du personnel du Conseil général, unis au delà des divergences qui font le débat démocratique.
— BRISSON Max (@max_brisson) January 8, 2015Charlie Hebdorekin, adierazpn askatasuna, giza eskubid, eskubid demokratiko eta aniztasun kulturalaren alde. @ehbildupic.twitter.com/8Rg7BQ0D6m
— Josu Juaristi (@Josu_Juaristi) January 8, 2015Manuel Valls Frantziako lehen ministroak jakinarazi du gauean hainbat lagun atxilotu dituztela aldizkariaren kontra eginiko erasoaren harira. Ez du zehaztu zenbat lagun atzeman dituzten, ezta gertatutakoarekin zenbaterainoko lotura duten ere, baina argitu du tiroak egin izanaren bi susmagarriak ez daudela atxilotuen artean. Hainbat kazetak, Liberation-ek, esaterako, argitaratu dute zazpi direla atxilotuak.
Poliziak identifikatu ditu ustezko erasotzaileak; 32 eta 34 urteko bi anaia eta 18 urteko gazte bat lirateke, lehen biak behintzat frantziarrak. LePoint-ek dioenez, Siriatik itzuli ziren udan. Gazteenak bere burua aurkeztu du Charleville-Mezieresko polizia etxean, eta errugabetasuna aldarrikatu du.
Aldizkariaren kontrako erasoaren biharamunean, Charlie Hebdo-k jakinarazi du datorren astean kioskoetan izango dela astekaria. Normalean 60.000 ale inguru argitaratzen ditu, baina datorren astean milioi bat ale inprimatuko dituzte. Ohiko hamasei orrien ordez, zortzi izango ditu, Richard Malka astekariko abokatuak adierazi duenez. Canal+, Liberation eta Le Monde-k lagunduko diote.
#BREAKING Paris newspaper Charlie Hebdo will come out next week, despite bloodbath: editorialist
— Agence France-Presse (@AFP) January 8, 2015Gaur, ordea, beste eraso batek piztu ditu alarmak berriro; Malakoffen, Paris hegoaldean, polizia bat tiroz hil eta beste bat zauritu dute 07:15 aldera, zirkulazio istripu baten ostean. Hala ere, oraingoz ez dago gaurko gertakariak eta atzokoak lotzeko zantzurik.
Hil egin da gaur goizean Paris hegoaldean tiroz zauritutako polizia, @lemondefr-en arabera http://t.co/xO3pTVRidYpic.twitter.com/9b4KH1jgKq
— Berria.eus (@berria) January 8, 2015Horrez gain, meskita batetik gertu dagoen taberna batean leherketa bat izan da Villefranche-sur-Saonen. Poliziak ez du gertakaria atzoko erasoekin lotu, baina baieztatu du ez dela istripu bat izan. Mansen, granada bat eta bala bat aurkitu dituzte meskita batean.
Hollande eta Sarkozyren bilera
Nahasmen egoera horretan, batasun irudia eman nahi izan dute François Hollandek eta Nicolas Sarkozyk. Frantziako presidentea UMPko buru eta errepublikako presidente ohiarekin bildu da Eliseoan. Aurretik, gobernua bildu du Hollandek. Sarkozyk nabarmendu du erasoaren aurrean "zibilizazioak defendatzeko ardura" duela.
Le président @fhollande reçoit actuellement @NicolasSarkozy au lendemain de l'attentat contre #CharlieHebdopic.twitter.com/eF905OvLx8
— Élysée (@Elysee) January 8, 2015Une nouvelle réunion interministérielle de crise est en cours à la suite de l'attentat d'hier à Charlie Hebdo pic.twitter.com/uAnR5rLtXm
— Élysée (@Elysee) January 8, 2015Fronte Nazionaleko buru Marine Le Penek, berriz, gogorarazi du bera Frantziako presidente aukeratuz gero heriotza zigorrari buruzko erreferendum bat egin nahiko lukeela eta bera "pertsonalki alde" legokeela: "Uste dut heriotza zigorra izan behar dugula gure armategi juridikoan".
"Je veux offrir aux Français un référendum sur la peine de mort. A titre personnel, je pense que cette possibilité doit exister." #France2
— Marine Le Pen (@MLP_officiel) January 8, 2015
