Colin Duffy IRAko kide ohiari Irlanda iparraldean Massereeneko base militar baten aurka egindako eraso batean bi soldadu britainiar hiltzea egotzi diote. Atentatu hura zela-eta atzeman zituzten lagunetatik sei herenegun askatu zituzten -Duffy barne-, baina Duffy ordu gutxira berriro atxilotu zuten.
Martxoaren 7an hil zituzten Mark Quinsey eta Patrick Azimkar militarrak; pizza bat jasotzera joan zirenean tirokatu zituzten. Orduan Benetako IRAk hartu zuen bere gain erasoa. 1997an eratu zen talde hori, eta IRAko disidenteek osatzen dute. Ostiral Santuko Akordioa sinatzera eraman zuen bake prozesuaren aurka dago.
Irlanda iparraldeko Poliziak jakinarazi duenez, Duffyri (41 urte) zortzi kargu egotzi dizkiote: bi kargu "hilketagatik", bost "hilketa saiakeragarik" eta beste bat "armak edukitzeagatik".
Duffyk gaur eramango dute Irlanda iparraldeko auzitegi batera.
Mundua
IRAko kide ohi Colin Duffy bi soldadu hiltzeaz akusatu dute
Herenegun atxilotu zuten berriro, martxoaren 7a Antrim konderriko Massereeneko base militarraren aurka egindako erasoan harira. Gaur emango du lekukotza Irlanda iparraldeko auzitegian.
Iruzkinak
Ez dago iruzkinik
Ordenatu
