Tentsioa gora eta gora ari da Persiar golkoan. Iranek esana du AEBek inguruko herrialdeetan dituzten base guztiak dituela helburu, eta Kuwaiteko Gobernuak jakinarazi du gaur misil eta drone bidezko eraso bat egin diotela gaur. Hori bai, ez du zehaztu lurraldeko zer eremutan gertatu den.
Iranek, bestalde, zabaldu du AEBen base baten aurka jo duela. Guardia Iraultzailearen bozeramaileen arabera, atzo AEBek telekomunikazio dorre bat eraitsi zuten Sirik uhartean, herrialdearen hegoaldean, eta eraso horri emaniko erantzuna da gaurko operazioa. Hori azpimarratu du ohar batean.
Xextra horiek, dena den, oraingoz ez diete eragin Washingtonen eta Teheranen bilerei. Pakistan eta Qatar ari dira bitartekari bien artean. Donald Trump AEBetako presidentea «behin betiko» erabaki bat hartzea aztertzen ari da.
Etxe Zuriko maizterrak asteburuan hitz egin du, eta zehaztu du «asmo argiak» dituela Iranen programa nuklearra baldintzatzeko. Halaber, Ormuzko itsasartea zabaltzea ere ezinbesteko baldintza litzateke.
