Michelle Bachelet Txileko presidentearen izenean, Araucaniako gobernadore berriak, Francisco Huenchumillak, barkamena eskatu dio maputxe herriari, baso eta landa ustiatzaile handiek lurraz gabetu dituztelako indigenak. Eta estatua Araucaniako 600.000 indigenekin «zorretan» dagoela onartu du, «130 urtean ezarri ditugun politika publikoek ez dutelako lortu eskualde hau pobreziatik ateratzea».
Sebastian Piñerak nahiz Bacheletek berak terrorismoaren aurkako legedia baliatu izan dute maputxeen kontra, baina gauzak «aldatu» egingo direla agindu du Huenchumillak. Maputxea da Araucaniako gobernadore berria.
Interesgarria izango zaizu
Nabarmenduak
