Mohamed VI.a Marokoko erregeak indultua eman die 190 presori, Marokoko Justizia Ministerioak esan duenez, eta 190 horien arteko hainbat preso politikoak dira. Besteak beste, Chakib el Jiyari, Marokoko giza eskubideen aldeko ekintzailea. 2009an hiru urteko kartzela zigorra jaso zuen, "estatuari irain larriak" egiteagatik —droga trafikoaren atzean egotea egotzi zion Marokori—.
Justizia Ministerioaren arabera, Marokoko Giza Eskubideen Kontseiluak egindako txostena aintzat hartuta erabaki du Mohamed VI.ak indultua ematea.
