Marokoko erregeak gobernu berria izendatu du

RABAT. Marokoko Gobernuko hainbat goi kargudun izendatu ditu Mohamed VI.a Marokoko erregeak. Besteak beste, Barne, Atzerri eta Ekonomia ministroak aldatu ditu; denera, 31tik 39ra gehitu ditu sailak. Abdelilah Benkiran lehen ministro islamistaren PJD alderdia bakarrik geratu zen gobernuan uztailean, Istiqlal alderdiak koalizioa utzi zuenean. RNI Independenteen Batasun Nazionala sartu da orain haren partez.