Mexikok 15.000 soldadu bidali ditu AEBetako mugara

MEXIKO HIRIA. Mexikok Guardia Nazionaleko 15.000 soldadu bidali zituen atzo Ameriketako Estatu Batuetako mugara, migrazioa gelditzea helburu, Luis Cresencio Sandoval Defentsa Nazionalerako ministroak jakinarazi zuenez. Hegoaldeko mugara, aldiz, 10.500 militar bidali ditu Mexikok; 25.500 soldadu horiek, beraz, AEBetara doazen iheslariak gelditzea izango dute xede.