Namibian emakume bat izendatu dute, lehen aldiz, gobernuko lehen ministro

WINDHOEK. Saara Kuugongelwa-Amadhila, Namibiako askapen borrokan ibilia eta 2003. urtetik Finantza ministro izan dena, gobernuburu izendatu du Hage Geingob presidenteak. 1990ean independentzia lortu zuenetik, SWAPO alderdiak agindu du Namibian, eta aurreneko aldiz emakume bat izendatu dute lehen ministro. 2006-2007ko ekinaldian, Finantza ministro zela, gastu publikoa erruz murriztu eta, historian aurreneko aldiz, gobernuaren jarduna superabitarekin amaitzea lortu zuen Kuugongelwa-Amadhilak.