NATOn sartzea onetsi du Montenegroko Parlamentuak, manifestazio artean

PODGORICA. Kalean erabakiaren aurkako manifestazioak zeuden arren, eta barruan oposizioaren gehiengoak saioa boikotatu zuen arren, Montenegroko Parlamentuak herrialdea NATOn sartzeko erabakia hartu zuen atzo; 81 diputatuetatik 46k eman zuten aldeko botoa —gobernuan dagoen DPS Sozialistek Alderdi Demokratikoak gehiengoa du—. Aliantza Atlantikoak maiatzaren 25en duen bileran formalizatuko du 29. kidea bihurtuko den herrialdearen sartzea.