«Zapaltzailea eta autoritarioa» izatea leporatu zion Recep Tayyip Erdoganen gobernuari Orhan Pamuk idazle turkiarrak atzo, Hurriyet egunkarian idatzitako iritzi artikulu batean. Idatzi horren bitartez, orain arte protesten alde ez konprometitu izana kritikatzen ziotenei erantzun nahi izan die 2006ko Literaturako Nobel saridunak.
Herritarren eskubideak defenditzeko garaian manifestariek erakutsitako kemenak eta erabakitasunak «etorkizunerako esperantza» piztu diola onartu du Pamukek artikuluan, eta, horretarako, istorio pertsonal bat gogorarazi du: «Istanbulgo Udalak moztu nahi zuen gaztainondo bat defenditu zuen gure familiak behin. Orain, Taksim plaza da istanbuldar guztion gaztainondoa».
Orhan Pamuk: «Erdoganen gobernua zapaltzailea eta autoritarioa da»
Iruzkinak
Ez dago iruzkinik
Ordenatu
