MOSKU. BRICS (Brasil, Errusia, India, Txina eta Hegoafrika) taldea goi bilera bat egitekoa da datorren abuztuaren 22tik 24ra Hegoafrikan, eta hango presidente Cyril Ramaphosak baieztatu zuen, atzo, Errusiako bere homologo Vladimir Putin ez dela horretara joango, biek ala «adostuta».
Aintzat hartu behar da Nazioarteko Zigor Auzitegiak Kremlineko burua atxilotzeko agindu zuela joan den martxoan, gerra krimenak leporatuta, eta, Hegoafrika auzitegi horretako kidea denez, kolaboratzeko obligazioa duela. Errusiako Atzerri ministro Sergei Lavrov izango da Moskuren ordezkaria.
Ukrainako gerran, bestalde, Errusiako indarrek bigarren egunez jarraian bonbardatu zuten, atzo, Odesako portua. Erasoak ez zuen biktimarik eragin, eta, Moskuren arabera, instalazio militarrak zituen helburu. Errusiak bertan behera utzi du asteon zerealen ituna, eta atzo ohartarazi zuen Itsaso Beltzetik Ukrainara bidean doazen ontziak helburutzat hartuko dituela, argudiatuta armak eraman ditzaketela.
Putin ez da joango BRICS taldeak Hegoafrikan egingo duen bilerara
Errusiak nabarmendu du Itsaso Beltzetik Ukrainara bidean doazen ontziak helburutzat hartuko dituela
Aukeratu BERRIA gogoko iturri gisa Googlen. Aktibatu hemen
Iruzkinak
Ez dago iruzkinik
Ordenatu
