Kalmaegi tifoiak gogor astindu ditu Filipinak eta inguruko herrialdeak asteon, eta iristear dago Fung-wong supertifoia.
220 pertsona hil dira euri jasa, uholde eta haizete indartsuengatik, eta 135 pertsona desagertuta daude oraindik. Bada, orain supertifoi bat ari da eremura gerturatzen, eta aurreikusten da oraindik eta arriskutsuagoa izango dela. Milioi bat lagun ebakuatu behar izan dituzte dagoeneko.
Filipinetako 54 probintzia alerta gorenean daude. Orduko 230 kilometroko haize ufadak dituzte, eta oraindik ez zaie okerrena heldu, tifoia ez baita lurreratu oraindik.
Iragan asteko ekaitzak 2,3 milioi pertsonari eragin die, eta 5.000 gune geratu dira urpean edo lurpean. Agintariek ziurtatu dute desagertutakoen bila ari direla. Cebu hirian hil da jende gehien: 139 lagun. Asteartean eta asteazkenean igaro zen tifoia handik.
