Timochenko izango da FARCen hautagaia datorren urtean egitekoak diren bozetan

BOGOTA. Kolonbian datorren urtean egitekoak diren presidentetzarako hauteskundeetan euren hautagaia Rodrigo Londoño Echeverri Timochenko izango dela jakinarazi zuen atzo FARC Herriaren Indar Alternatibo Iraultzaileak. Imelda Daza, berriz, presidenteorde izateko izendatu dute. Senaturako eta Kongresurako zerrendak ere eman ditu ezagutzera alderdiak. Ivan Marquez, Pablo Catatumgo, Carlos Antonio Lozada eta Victoria Sandino gerrillari ohiak egongo dira gerrillatik politikara salto egin dutenen artean.