Albistea entzun

Jimenezek dio zuloa 132 milioi baino handiagoa dela

PSNren esanetan, argitu egin behar da defizitaren zein zati datorren aurreko urteetatik

Erredakzioa -

2012ko ekainak 15 - Iruñea

Zenbaki dantza etengabean dabil azkenaldian Nafarroa. UPNk denbora gutxian hiru aldiz aldatu du diru sarreren jaitsieraren aurreikuspena. Azkenekoz, joan den ostiralean. Beste 132 milioi euroren murrizketak egin beharko dituztela iragarri zuen Yolanda Barcina presidenteak. Roberto Jimenez PSNko ordezkari eta gobernuko presidenteordearen esanetan, ordea, kopuru hori ere ez da fidagarria. Aurrekontuetako zuloa 132 milioi euro baino «dezente handiagoa» dela dio.

«Uste genuen 54 milioiren murrizketak egin behar genituela, baina, bat-batean, Ekonomia eta Ogasun Sailak esan zigun beste 132 milioiko zuloa zegoela». Jimenezen arabera, PSNk azalpenak exijitu zizkion UPNri, eta herrialde osoko kontuen auditoria bat egitea adostu zuten. Oraindik ez dute kopuru zehatzen berririk, baina Jimenezek dio esku artean dituzten datuek erakusten dutela 132 milioi baino handiagoa dela zuloa.

Behin betiko kopuruen zain egongo direla azaldu du, eta orduan erabakiko dutela zein neurri hartuko dituzten. Murrizketak onartzeko prest dagoela adierazi du PSNk, baina nabarmendu du Barcina dela gaur egungo egoeraren erantzule. «Herritarrek jakin behar dute defizitaren zein zati eragin duen diru sarreren jaitsierak eta zein zati datorren aurreko urteetatik». Kontuen auditoria lehenago egin behar zela dio alderdiak, legegintzaldi hasieran.

Murrizketek administrazioetako langileei eragingo al dieten galdetuta, ez du erantzun nahi izan. «Ausartegia da esatea hau egingo dugu eta hau ez. Ezer ez da baztergarria, baina ezer ez da segurua». Presidenteordearen esanetan, beharrezkoa da gobernu akordioa berriz formulatzea, halako gertaerak saihesteko.

Bizkaian, %5,3 gutxiago

Diru bilketa ez da ari jaisten Nafarroan bakarrik. Jose Luis Bilbao Bizkaiko diputatu nagusiak atzo iragarri zuen ekainera arte %5,3 gutxiago bildu duela herrialdeak. Alabaina, nabarmendu du Araban eta Gipuzkoan handiagoa izan dela jaitsiera, %10ekoa hain zuzen.

Radio Euskadin egindako elkarrizketan, Bilbaok azaldu du datu horiek erakusten dutela zerga bilketaren jaitsierak ez duela zerikusirik tasekin, jarduera ekonomikoaren jaitsieraren ondorio dela baizik. «Zerga tasak igotzea alferrikakoa da; ez luke diru bilketa handia ekarriko», adierazi du PSE-EEren eta Eusko Jaurlaritzaren nahiei erreferentzia eginez.

Gaineratu du errenta aitorpenaren kanpaina amaitzen denean izango dutela «egoeraren argazki erreala» eta aurrekontuetan murrizketarik egingo duten ala ez datu zehatzen berri izandakoan erabakiko dutela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Artxiboko argazkia. ©Marisol Ramirez / FOKU

Langile bat hil da Berriobeitiko Saint Gobain Abrasivos enpresan

Iñaut Matauko Rada

Lanera sartzen ari zela, ondoezik sentitzen hasi da 56 urteko langilea, eta hil egin da.

Ertzaintzak eragindako zaurietako batzuk. / ©LAB Ezkerraldea

Ertzaintzak lau grebalari zauritu ditu metalgintzako piketean

Imanol Magro Eizmendi

Arteako Pekos Fabricacion lantegiaren aurrean izan da oldarraldia. Sindikatuek elkarretaratzera deitu dute 17:00etarako, indarkeria gaitzesteko.

Prentsaurrekoaren ostean LABek egindako argazkia, Adegiren egoitzaren atarian. ©BERRIA

Bizitzaren garestitzeari aurre egiteko hitzarmenaren alde borrokatuko da LAB Gipuzkoako metalean

Iñaut Matauko Rada

Abenduaren 31n iraungiko da Gipuzkoako metalgintzako hitzarmena, eta LABek prentsaurrekoan adierazi du sektoreak dituen beharrei aurre egingo dien hitzarmen baten alde borrokatuko dela.

Anton Arriola, Kutxabankeko lehendakari berria. ©Kutxabank.

Kutxabankek presidente berria du, baina ez du aldatuko estrategia nagusia

Iker Aranburu

Anton Arriola durangarrak ordezkatu du Gregorio Billalabeitia. Kutxabanken «berezitasunari» eta errotzeari eutsiko diola ziurtatu du presidente berriak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...