Albistea entzun

Protestak herrialde arabiarretan. Lekukotza

Tahrir plazatik

Kristina Berasain Tristan -

2011ko otsailak 13

Parisen maiatza zen, eta Berlinen, azaroa. Kairon otsaila da, udaberria negua da hemen, eta harresia metafora da piramideen herrialdean, faraoien lurraldean. Egiptoren historian mugarri bat ezarri, eta herrialde arabiar guztien etorkizuna baldintzatzeko gai izan da, hiru aste eskasetan, sekula aurretik iraultzarik ezagutu ez duen herria. Eta erreboltak gertaleku bat ere izan du hemen. Tahrir plaza garaipenaren ikurra bilakatu baita. Gorria, zuria eta beltza da dena hemen, baita biharamunean ere; dena da poza, dena itxaropena, dena etorkizuna.

Irribarreak, malkoak, besarkadak, oihuak, klaxonak, dantzak, txaloak. Dardara egiten du plazak; askatasuna samurra baita, espero ez izanagatik goxoagoa, duela hiru aste eskas pentsaezina zelako egun hau iritsiko zenik, desio bazuten ere, aro berri bati ekitea euren eskuetan zegoela.

Eta horixe izan da giltzarria. Euren indarrean sinestea. Nahiz eta oraindik askok sinistu ere ez duten egiten beste bide bat zabaldu dutela, eta eskuetan etengabe erakusten dituzten egun historikoaren egunkarien azalak dira horren lekuko. Nekez ahaztu baitezakete egun bakarrean hiru hamarkada ilunez luzatu den diktadura. Horregatik errepikatzen dute etengabe matxinadaren lelo bilakatu den esaldia: «Tente jar ezazu zeure burua, egiptoarra zara eta». Tahrir plazaren inguruko bazterretan dauden tankeetara igota kantatzen dute esaldia. Tente jartzeko unea dela aldarrikatzen dute. Eta kontrastea egiten du horrek inguruko kaleetan dauden zuhaitzekin, makurtuta baitituzte enborrak guztiek. Eta zuhaitz baten alboan dagoen herritar batek eman du horren arrazoia: «Diktadurak makurtu ditu». Makurtuta egon badira ere, zutik jarri direlako, eta jada plaza zabal bezain kutun hau garbitzeari ekin diote, kale kantoiak pintatzeari, erratzak pasatzeari, trantsiziorako urratsa egiteko unea dela agerian utziz. Biharamunean bertan, aro berriaren lehen egunean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.