Albistea entzun

Donostiako 60. Zinemaldia. Basquewood

Cozar, ez nazazu utzi!

Urtzi Urkizu -

2012ko irailak 27

Euskarazko film pare batean gertatu zait interpretazioan Barbara Goenaga inguruko aktoreak baino koska bat gorago zegoela sentitzea. Zinemaldiko hasiera ekitaldian aurkezle lanetan aritu zen gazteak erraz liluratzen du kamera. Bere tokian, ez hain nabarmen, ondo, baina besteengandik gailendu gabe agertu zaigu Bypass komedia biribilean. Horren arrazoietako bat Sara izenekoa da, Cozar abizenekoa. Filmaren klimax modukoan, neska protagonistak Jacques Brelen Ne me quitte pas kantatzen dio Gorka Otxoari. Eta mutila mozolo (pinto) aurpegiarekin gelditzen da... Agian, hor senti dezake euskal ikusleak izar berri baten jaiotzaren aurrean gaudela. Nahiz eta badituen Ordizian jaiotako aktore horrek filmean beste eszena zailago eta dramatikoago batzuk, frantsesez bera kantatzen entzutean konturatzen da bat ez duela pantailatik desagertzerik nahi. Izar bat ez da gau batean sortzen, jakina. Antzerkian makina bat lan egindakoa da Arraldeko Mimi. Iker Galartza eta Joseba Usabiagarekin batera, esate baterako, Hil arte bizi tragikomedian adiskidetasunaren mugekin egiten du jolas. Asteartean aurreratu zigunez, bestalde, Ados taldearekin El hijo de la novia Juan Jose Campanellaren film bikainaren egokitzapena prestatuko du urte amaieran. Filmaren graziaren erdiarekin ere konformatuko ginateke. Batean eta bestean lanean, argi dago Cozar hazten ari den aktorea dela. Eta Patxo Telleria eta Aitor Mazoren esanetara, zineman orain arteko bere onena eman du Bypass-en (rol txikiak izan zituen Kutsidazu bidea, Ixabel eta Izarren argia filmetan). Bide batez, aipatzekoa da Mazok berak egiten duen antzezpena paregabea dela, mediku bananduaren rolean. Aktore guztiei esker, Gorka Otxoaz zer esan dagoeneko, primeran funtzionatzen du Patxo Telleriaren gidoiak. La máquina de pintar nubes erdipurdikoaren aldean, Bypass-ek baditu osagai askoz gozoagoak ikusleak bereganatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia dramatikoa' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»
Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Maria Elorzaren <em>A los libros y a las mujeres canto</em> filmeko irudi bat. ©TXINTXUA FILMS
Zugaza, Herraez, Gonzalez, Zupiria eta Ormazabal, gaur, Gasteizen. ©IREKIA

Euskal artisten 26 artelan erosi dituzte museoek, Jaurlaritzak diruz lagunduta

Aitor Biain

Artium museoak, Biboko Arte Ederren Museoak eta Tabakalerak elkarrekin erosi dituzte 18 euskal artistaren obrak, 200.000 euroko ezohiko diru laguntza bati esker.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.