Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Jira

Garbi

Xabier Gantzarain -

2012ko apirilak 26

Milan Kunderari irakurri nion, Kafkak txekieraz idatzi izan balu inork ez zuela ezagutuko esaten duen liburu berean: Artea ez da Historiari bere martxan laguntzeko dagoen orfeoi bat. Bere historia sortzeko dago hor. Europatik geratuko dena ez da bere historia errepikakorra, bere horretan batere baliorik ez duena. Geratzeko aukeraren bat duen bakarra arteen historia da.

Zenbat urte behar dira horretarako, nahikoa al dira 75?

Sentitzen dut berri txarrak ekartzea: Espainiak ez du Gernikako sarraskiaren ardurarik onartu 75 urtean, ez jakin sekula onartuko duen, eta herriaren izena ahotan hartuta Picassok margotu zuen koadroa eurek daukate, Reina Sofia Museo Nazionalean. Ez zituzten 75 urte behar izan historia (errepikakor) mingarria alde batera utzi eta arteen historian jartzeko arreta. Edozertarako balio du Picassoren artelanak orain: turistak erakartzeko, katiluak saltzeko, Gernikako sarraskia mihise batekin estaltzeko, Espainia bere iraganarekin adiskidetzeko.

Eskuindarrek gauza bat daukate ona: garbiak dira. Anasagastik Picassoren Gernika Gernikara ekartzeko aukeraz galdetuta, Jose Ignacio Wert ministroak lasai asko bota zion: Bredak ez du sekula eskatu Bredaren errendizioa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.