Albistea entzun

Bira

Estatu kolpea

Itxaro Borda -

2011ko apirilak 17

Osteguneko Sud-Ouest egunkariaren lehen hostoko argazkiak goibeldu ninduen: Afflelou, bere bizkarzainekin —betaurreko beltzekin alaina— Aviron Bayonnais errugbi taldearen biltzar gelatik ateratzen zen. Bananar errepublika batean estatu kolpea lortu zuenaren irria zeukan. Biltzarra hasi orduko Salagoiti presidentaren partitzea aipatzen zen. Etxeko leihotik Jean Dauger zelaiko lehiak jarraitzen ditugun sustengatzaileon bihotzetan halako tristura ezindu bat hedatu zela aitor dut.

Azken hilabeteotan Aviron Bayonnais kuttunaren historia reality show baten haritik zihoan: Laporten lekutzea, Afflelouren 18 milioi hitzemanak, Salagoitiren ihardokitzeak, auzapezaren presioak, karrika eta toki publikoetako eztabaidak. Orain debadioak hertsiak dira eta noski Afflelou markako begilagunak daramatzaten zuzendaritza berriko kideek, indarrez, taldea egiazki pribatizatuko dute. Gastuak hiritarren bizkar, benefizioak oligarkoen esku.

Korrika 17 Baionatik pasatu zen gau minean, Santizpiritu zubiaren puntan Miarritzeko segitzaile batekin irun hitzak ditut gogoan. Erraten zidan derbia genuela aste honetan. Harritua ni. Bai, hark, Afflelou eta Salagoitiren artekoa. Odoltsua.

Eta blinbling kirola.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...