Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Bira

Greba

Idurre Eskisabel -

2012ko irailak 25

Irudipena dut azkenaldiko greben atarian jendeak protestarako arrazoiez eta argudioez adina edo gehiago hitz egiten duela gutxieneko zerbitzuak bermatu beharraz, lanuzteak sortuko dizkien trabez, eta, ororen gainetik, lanerako eskubideaz. Burmuinetaraino blaitu gaitu ustez kolore politikorik gabeko hedabide txintxoen lanbro sarkorrak, eta norberaren ondasun ugari edo apurrak galtzeko beldurrak hezurretaraino mela-mela eginda gauzka. Hortxe gabiltza, bakoitza berera itsatsita, naufragoak itsasontzi kraskatuari ezpaldutako ohol zatietara bezala.

Eta lanerako eskubideak jada ez du zerikusirik guztiontzako bizibide egoki baten aldarrikapenarekin, baizik eta greba egunean, une jakin eta zehatz horretan, lanera joatearekin; hau da, gure nahiaren arabera jokatzen ari garela argudiatuta ugazaben desioa betetzearekin. Hara zer diren gauzak, greba egunean lanera joatea bihurtu dugu askatasun ariketa goren. Bide batez, baztertu egin ditugu asanbleak, batzarrak; ez dugu eztabaidatu nahi, gogaitu egiten gaitu. Azken batean, nor dira nire kideak, nahiz eta izan gehiengo, nire borondatea behartzeko? Talde dimentsio guztia errotik erauzi diegu eskubideei, norberarenak izatera murriztu, eskubideen murrizketaren funtsa horixe dela ohartu gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.