Gaddafirekiko lotura egotzi diote berriz ere Sarkozyri bozen kanpainan

Libiako buruzagi ohiak 2007ko kanpainarako 50 milioi euro eman zizkion, webgune batek argitaratu duenez

Erredakzioa -

2012ko apirilak 29
Muammar Gaddafi Libiako buruzagi ohiaren itzala gainetik kendu ezinik dabil Nicolas Sarkozy Frantziarako presidentetzarako bozen kanpainan. Oraingoan, Mediapart webguneak zerbitzu sekretuen agiri bat argitaratu du, 2007an Gaddafik Sarkozyren presidentetzarako kanpaina finantzatu zuela frogatu lezakeena. Agiri horretan ageri denez, 50 milioi euro eman zizkion Gaddafik. Horrek legedia urratuko luke, gehienezko aurrekontua 22 milioi eurotan ezarri baitzuten orduan.

Agiri horren arabera, Brice Hortefeux Sarkozyren 2007ko kanpainaren arduradunak eta Moussa Koussa Gaddafiren zerbitzu sekretuen buruak 2006ko urriaren 6an «akordiorako oinarri» bat hitzartu zuten. Sarkozyren kanpainako bozeramaile Nathalie Kosciusko-Morizetek akusazioa gezurtatu du, eta PSko kanpainaren arduradunei egotzi die gaia hauspotzea, Dominique Strauss-Kahnen elkarrizketaren oihartzuna «tapatzeko».

Strauss-Kahn ere kanpainan

Strauss-Kahnek Sarkozyren hurbileko laguntzaileei egotzi die bere ibilbide politikoa hondoratu zuen sexu eskandalua «prestatu» izana. «Azalpenak» Justiziari emateko erantzun zion Sarkozyk atzoko mitinean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna