Albistea entzun

Saria ibilbide oparoari

Tommy Lee Jones aktore eta zuzendariaren ibilbidea sarituko du Zinemaldiko aurtengo hirugarren Donostia sariak

Jaialdiko Zabaltegi-Perlak atalean aurkeztuko du 'Hope Springs' azken filma
Lau hamarkadako ibilbide oparoagatik, AEBetako aktorerik onenen artean sartu dute Jones.
Lau hamarkadako ibilbide oparoagatik, AEBetako aktorerik onenen artean sartu dute Jones. BERRIA

Nagore Ares Amaya, Tommy Lee Jones aktore estatubatuarrak jasoko du aurtengo hirugarren Donostia saria. Zinemaldiko arduradunek jakinarazi dutenez, Oliver Stone zinemagilearekin eta Ewan McGregor aktoreekin egingo duen bezalaxe, jaialdiak Jonesen ibilbide -

2012ko abuztuak 31

Publikoaren eta kritikaren aitorpena ekarri izan dio askotan 40 urteko ibilbide oparoak. Urte hauetan guztietan egindako lanak AEBetako aktore errespetatuenen artean kokatu du, adituen arabera. 60ko hamarkada amaieran hasi zen lanean, eta, geroztik, antzerkian, telebistan eta zineman lan komertzialak eta independenteak uztartzen asmatu du. Besteak beste, Love Story (1970), Stormy Monday (1988), The Fugitive (1993) eta The Client (1994) filmek egin zuten ezagun.

Tesaxen (AEB) sortua, 60ko hamarkadan Harvard-eko unibertsitatean Filologia Ingelesa ikasi zuen. Ikasketak amaitu eta gero New Yorkera abiatu zen, antzerkian lan egiteko asmoz. Handik gutxira lortu zuen lehen rola zineman, Arthur Hillerren Love Story drama sentimental arrakastatsuan, 1970ean. 40 urte baino gehiago pasatu dira, eta Jonesek filmografia oparoa osatu du urte hauetan guztietan. Coal Miner's Daughter-ekin Urrezko Globoetarako bere lehen izendapena jaso zuen 1980an. Gerora, Stormy Monday lanarekin batera, aktorearen urrezko urteak heldu ziren. Besteak beste, garai horretan The Package (1989) eta JFK (1991) pelikuletan hartu zuen parte. Aurtengo beste sarituetako baten zuzendaritzapean aritu zen azken film horretan, hain zuzen ere, Oliver Stoneren aginduetara. Hor egindako lanak ekarri zion Jonesi haren ibilbideko Oscar sarietarako lehen izendapena.

Sarien aitorpena

Izendapena lortuagatik, ez zuen saria lortu; hiru urtez itxaron behar izan zuen New Yorkeko Kodak aretoko taulan gora igo eta saria eskuratzeko. Bigarren mailako aktore onenaren Oscar saria lortu zuen The fugitive filmagatik, 1994an. Oscar saria ez ezik, Sam Gerard AEBetako marshall zorrotzaren rolak bigarren mailako aktore onenaren Urrezko Globoa ere ekarri zion. 2007an In the Valley of Elah-n egindako lanagatik Oscarretarako berriro izendatu zuten. Urte hartan ez zuen sarietan izendapen bakarra izan, eta Coen anaien No Country for Old Men-eko rol nagusiak ekarri zion aktore onenari saria. Hori baino apur bat lehenago estreinatu zen zuzendari lanetan ere. Guillermo Arriagaren gidoi batekin The Three Burials of Melquiades Estrada laudatua ondu zuen.

Azken boladan Jonesek ez du atseden hartu, izan ere, duela gutxi Men in Black sagako hirugarren filmean K agentearena egin zuen, berriro, eta Steven Spielbergen Lincoln filmeko aktore nagusietakoa ere izan da. Horrez gain, Peter Webberren zuzendaritzapean ere aritu da The Emperor-en. Proiektu berriak ere baditu, eta, hurrengo urtean, Luc Bessonen zuzendaritzapean, Michelle Pfeiffer eta Robert De Nirorekin arituko da Malavita pelikulan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oscar Gomez eta Esperanza Lopez —ezkerretik hasita, lehenengo biak—, hiru performerrekin batera. ©Iñigo Uriz / Foku

'Harrespila' ikuskizuna Oteiza museoan eskainiko dute asteburuan

Ane Eslava

L'Alakran taldearen performance bat da. Oteizaren teorietatik abiatuta, cromlech bat osatuko dute parte hartzaileekin batera. Hamabi saiotan egingo dute, eta izena emateko aukera zabalik dago.

Ekoizleak, zuzendaria, aktore nagusiak eta instituzioetako ordezkariak, pelikularen aurkezpen prentsaurrekoa baino lehen, atzo, Bilboko Azkuna zentroan. ©MONIKA DEL VALLE / FOKU

Hilezkor izateak ikaratuta

Amaia Igartua Aristondo

Gaur estreinatuko dute Igor Legarretaren 'Ilargi guztiak' filma, Bilbon, Fant jaialdiaren inaugurazioan. Heriotzak eragiten duen beldurraz dihardu, hilezkortasuna lortzen duen pertsonaia baten begietatik

 ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna