Albistea entzun

Greba orokorra. Manifestazioa

CCOO eta UGT negoziatzeko prest daude, «greba historikoaren» ondoren

Batasun sindikalaren alde egin du Sordok, baina sindikatu abertzaleen jarduna zeharka kritikatuz
CCOOk eta UGTk Bilbon egin zuten manifestazioa.
CCOOk eta UGTk Bilbon egin zuten manifestazioa. JUAN CARLOS RUIZ / ARP

Gorka Salces Alcalde -

2012ko martxoak 30 - Bilbo

«Martxoaren 29ko grebak arrakasta historikoa izan du Euskadin». Horrela mintzatu zen Euskadiko CCOOko idazkari nagusi Unai Sordo, UGTrekin batera deitutako manifestazioa hasi aurretik. Bilboko Arriaga plazatik hasi zuten martxa.

Greba «normaltasunez» egin izana nabarmendu zuen Sordok, nahiz eta, haren ustez, ezarritako gutxieneko zerbitzuak «gehiegizkoak» izan ziren: «Lanuztea egin duten guztiek gizalegez jokatu dute». Halaber, greba deialdia egun berean egitean, euskal sindikatuen mobilizatzeko ahalmena «biderkatzen» dela esan zuen CCOOko buruzagiak.

Batasun sindikalaren alde egin du Sordok, baina sindikatu abertzaleen jarduna zeharka kritikatuz. Haren ustez, ezin da alderatu mobilizazioek duten erantzuna sindikatu guztiek egun bererako egiten dutenean edo «batzuekgreba deialdiak beste gai batzuetarako erabiltzen dituztenean».

Horrez gain, «lan erreformaren oinarrizko puntuak aldatzeko», negoziazioari ekiteko prest agertu zen. Lan arloko legeen aldaketak dakarren eskubide murrizketa gogora ekarri ondoren, egin beharko liratekeen lehenengo erreformak zerga eta finantza arlokoak direla ohartarzi zion Espainiako Gobernuari.

Greba Espainiako Gobernuari eta haren presidenteari egin zaion oharra dela esan eta, botere ekonomikoaren eta Europaren esanetara jokatzea egotzi zion Raxoiri. Lan erreforma atzera bota ezean mobilizazioekin jarraituko dutela iragarri zuen Sordok: «Gaur ez da ezer bukatzen».

Sordoren ostean, UGT-Euskadiko idazkari nagusi Damaso Casadok hartu zuen hitza. Haren ustez, langileak haserre daudelako mobilizatu ziren atzo «miloika pertsona Espainiako Estatuan». Eta nabarmendu zuen langile aktiboez gain, gazteak, ikasleek eta erretiratuek ere mobilizazioekin bat egin zutela. Haren hitzetan, «mobilizatu diren guztiek Raxoiri esan diote jadanik ez duela gizartearen gehiengoa ordezkatzen». Gutxieneko zerbitzuak errespetatu zirela azpimarratu zuen UGTko kideak.

Moyuara heldu barik

Sordok eta Casadok hitzaldia egin bezain pronto, manifestazioa hasi zen. 12:30ak ziren. Dena suntsitu nahi dute, greba orokorra lelopean, milaka pertsonak Areatzako zubia zeharkatu zuten, Plaza Biribilerako bidean.

Hara helduta, CNT sindikatuak deitutako elkarretaratzean parte hartu zuten ehunka lagunek CCOOri eta UGTri kritika egin zieten, eta Espainiako Gobernuarekin «hitzartzen jarraitzeagatik engainatuak izatea» leporatu zieten. 13:00etan Urkixo kaletik jarraitu zuen manifestazioak, eta ordu erdi geroago Bizkaia plazan bukatu zuten, Moyua plaza sindikatu abertzaleen deialdiarekin bat egin zuten lagunez beterik zegoelako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pentsiodunen protesta bat, Iruñean, artxiboko irudi batean. ©VILLAR LOPEZ / EFE

Pentsioak %8,5 handituko dira urtarrilaren 1ean Hego Euskal Herrian

Iker Aranburu

Iaz ez bezala, aurten batez besteko pentsioa handiagoa izango da urte amaierakoa baino. Batez besteko pentsioa 115 euro handituko da, eta erretiratuena 128 euro
Jose Luis Escriva Espainiako Gizarte Segurantza ministroa ©Sergio Perez (Efe)

Kotizazio urte gehiago, baina «hoberenak»

Jokin Sagarzazu

Pentsioen kalkulua 25 urtetik 30era zabaltzea proposatu du Espainiako Gobernuko Gizarte Segurantza ministroak

Bizkaiko metalgintzako lehen greba eguna, atzo, Trapagaranen. ©Marisol Ramirez / FOKU

Langile gehienek babestu dute metalgintzako bigarren greba eguna

Iñaut Matauko Rada

ELAk adierazi du grebaren atzoko eta gaurko erantzuna oso antzekoak izaten direla Bizkaiko metalgintzan. CCOO, LAB eta UGTren arabera, %85eko erantzuna izan du gaurko greba deialdiak.

Iñaki Zabaleta, Saioa Urriz eta Imanol Pascual, atzo. ©ELA SINDIKATUA

ELAk salatu du Nafarroako aurrekontuak «legealdiko okerrenak» izango direla

Joxerra Senar

Europako funtsak kenduta, 2023ko aurrekontuak %1,6 baizik ez dira igoko, BPGaren eta KPIaren «oso azpitik». EH Bilduk aurrekontuak «apaindu» izana kritikatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...