Noiz sortua: 2014-03-25 00:30:00

Iparraldeko 2014ko herri bozak. Lehen itzuliaren ondorena

Partidak badu arbitroa

Abertzaleek gorakada nabarmena izan dute, eta bigarren itzuliko arbitroa izan daitezke hainbat tokitan; Baionan eta Hendaian, kasurako

Sozialisten porrotak zentro-eskuin frantsesaren esku utz ditzake herri nagusiak
Jean Espilondo —eskubian—, joan den igandean Angelun, herriko bozen lehen itzulian.
Jean Espilondo —eskubian—, joan den igandean Angelun, herriko bozen lehen itzulian. AURORE CUEVAS

Aitor Renteria -

2014ko martxoak 25

Sozialisten eta zentro-eskuinaren artean borrokatuko beharko dira Baionako Herriko Etxeko aulkia lortzeko, lehia horren arbitro izanen direlarik abertzaleak. Abertzaleek gorakada nabarmena izan dute Ipar Euskal Herriko Herriko Etxe gehienetan, kasu batzuetan lehen indar gisa agertuz, edo bertze batzuetan etorkizuneko aukera gisa, bigarren postuan ageriz, Donibane Lohizunen bezala.

1. Baionan, ikusmira

Henri Etxeto sozialistak lortu zuen igandean hauteskunde lehiaren lehen postua, 5 619 boz bilduta (%35,26). Hamabost puntura du auzapez kadira, baina horra heltzeko zurubirik ez. Izan ere, Sylvie Durruty eskuineko hautagaiak %18,54 egin zuen eta sostengu hori gehituko zaio Jean Rene Etxegarai hautagai zentristaren emaitzari (4.778 boz, %29,98). Ez da aski %50era heltzeko. Baina Jean Claude Iriartek gidatzen duen Baiona 2014 zerrendak emaitza historikoa egin du, lehen aldiz bozen %10eko langa gaindituz eta bigarren itzulian presente egoteko aukera irabaziz. Delibero hori hartu dutela agindu zuen igande gauean Iriartek. Atzo bildu ziren Serge Nogues Ezkerreko Fronteko zerrendaburuarekin (944 boz, %5,92) eta gaur berean, elkar hartzen dutela iragarri dezakete. Ezker-eskuin frantsesaren lehian, arbitro izanen dira abertzaleak.

Baionan gaiz, bertzeen arteko lehian eragiteko indarrean daude abertzaleak Hendaia, Ahetze, Ziburu, Donapaleu, Maule, Arrangoitze, Azkainen, Senperen eta Zuraiden, bertzeak bertze. Bigarren itzuliari begira, harremanetan sartu dira gainerateko zerrendekin. Aliantzak egiteko epea gaur bukatzen da, arratsaldeko bi orenetan.

2. Etxebeste Maulen

Zuberoako hiriburuak bigarren itzulia beharko du. Mixel Etxebeste auzapezaren zerrendak 794 boz bildu zituen (%41,75). Lauren arteko lehia izan daiteke, ezkerreko zerrendez gain, Beñat Elkegarairen zerrendak, abertzaleen hurbilekoa, 252 boz bildu baititu (% 13,25). Lurralde Elkargoaren aldeko irizpidea nagusitzen bada, aukera handiak daude Etxebeste garaile izateko bigarren itzulian. Sozialistek ez dute usaian ezkerrera bozkatzen duen hiriburuan nagusitzea.

3. Ezustea Baigorrin

Nafarroan ezusterik handiena Jean Mixel Koskaratek gidatzen duen zerrendak eragin du, 615 boz bildu baititu (%53,48) Baigorrin. Hemeretzi aulkietatik hamabost erdietsi ditu Jean Baptiste Lambert auzapezaren aurkako lehian. Horrez gain, Herri Elkargorako bost aulkietatik lau eskuratu ditu.

Donibane Garazin, Alfontso Idiart eskuineko hautagaiak 611 boz bildu ditu ( %66,70). Haren parean zuen Xabi Larren zerrenda abertzaleak 305 boz bildu ditu (%33,29). Bederatzi bozengatik ez du lortu Herri Elkargoan sartzea. Donapaleun, berriz, Jean-Jacques Loustaudaudinek 464 boz bildu ditu (%49,83). Stephane Irola abertzaleak 132 boz bildu ditu, (%14,18) eta hiruko lehia izanen da igandean.

4. Hendaia ezker

Kotte Ezenarro auzapez ohi eta Kontseilari Nagusi sozialistak lortu du lehen postua Hendaian, 2.014 bozekin (%36,51). Jean-Baptiste Sallaberri auzapezak 1.599 boz lortu zituen (%28,98). Richard Beitiak 709 bildu zituen (%12,85), baina haserre da Salaberrirekin, ikastola berria eraikitzeko xedearen aurka egin baitzuen Beitiak. Iker Elizadaldek zuzentzen duen zerrenda abertzaleak 693 boz egin zituen (%12,56), eta gakoa izan daiteke igandean. Frantzian sozialistek pairatu duten porrotean, Hendaia izan daiteke eskuinetik ezkerrera pasatu daitekeen hiri bakarrenetarikoa Ipar Euskal Herrian. Gakoa abertzaleak izanen dira.

5. Lapurdi hegoaldea

Ozta-ozta hautatu dute lehen itzulian Michel Hiriart Biriatuko auzapez, 351 bozekin (%52,31). Parean zuen zerrenda abertzaleak 320 boz egin ditu (%47,69). Hiriart da Lurralde Elkargoko presidentea. Abertzaleen emendatzea ere nabarmena izan da Urruñan, Filipe Aramendi abertzaleak 1.321 boz egin ditu (%25,64). Duela sei urte baino 423 boz gehiago lortu ditu Aramendik. Lehia eskuineko bi zerrenden artean egonen da, seguruenik Odile de Coral oraingo auzapezaren alde ebatziko delarik lehia.

Ziburun ere emaitza ikusgarria egin dute abertzaleek, 802 boz (%21,09). Guy Poulou eskuindarrak 1.661 boz erdietsi ditu (%43,69). Ezkerreko bertze zerrenda bat egonen da bigarren itzulian. Ezkerreko aliantza posible litzateke, beraz, akordioa lortzen badute. Egun jakinaraziko dute erabakia.

Donibane Lohizunen ere emaitza ikusgarria lortu du Paxkal Lafitten zerrenda abertzaleak, 1.740 bozekin (%25,84). Duela sei urte baino 408 boz gehiago erdietsi ditu, eta lau hautetsi (hiru 2008an). Bigarren indar politikoa dira abertzaleak Donibane Lohizunen. Emile Amaro sozialistak 1.298 boz eginik (%19,28), hirugarren postua baino ez du erdietsi. Peyuco Duhart eskuineko hautagaiak lehen itzulian erdietsi du auzapez kargua 3. 695 bozekin (%54,88). Nabarmentzekoa da Duhartek Michele Alliot Marierik gabe lortu duela emaitza, parekatuz Frantziako Barne eta Justizia ministro ohiak lortutako emaitzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna