Albistea entzun

Bertsolari Txapelketa Nagusia. Analisia

Finalik onena

Finalean kantatuko duten zortzi bertsolariak.
Finalean kantatuko duten zortzi bertsolariak. LUIS JAUREGIALTZO / ARGAZKI PRESS

Josu Goikoetxea -

2013ko abenduak 14

Orain arte jokatutako finalik onena izango da biharkoa, nahiko argi dut hori. Agian ez da historikoena izango, agian ez da hunkigarriena izango, agian ez da politena izango, baina onena izango dela uste dut. Inoiz ere ez dira izan indarrak hain parekatuta final batean. Hor diren bost-sei finalista beren bertsolari-bizitzako unerik onenean daude, indartsuenean, pisuenean, arinenean.

Adi, belarriok, bihar egundokoak entzungo dituzuelako; erne, gogoa, bertso horiek guztiak iragazi beharko dituzulako; prest, bertso-gosea, orain arte nahikoa ez baduzu izan bihar aseko zarelako.

Biharkoa finalik onena izango da, diot, eta Maialen Lujanbio da faborito nagusia.

Asko hitz egin da gainerakoez; inork ere ez du oraindik txapelduna entzun txapelketako oholtza elektrikoan. Denok pentsatu dugu hau Arzallusen txapelketa izan daitekeela, edo Igor Elortzak sekulakoa egin dezakeela finalean, edo Iturriaga bigarren dela inkestetan, edo Colina ez dugula inoiz hain sendo ikusi. Baina Lujanbio? Zertan ibili da txapelduna azkenaldian?

Harekin plazan suertatu izan naizen bakoitzean oso ondo aritu da, dudarik ez, baina ez dut txapelketaren itzala sumatu haren bertsoetan. Lasai, seguru, baina beste bertsolari batzuek zuten tentsio hori gabe. Jarri izan dizkiodan bakarkakoetan zekena izan da, ez du neurri luzerik ekarri, ez du narrazio luzerik osatu, ez du ñabarduraz betetako deskribapenik egin. Gehienetan hiru bertso bikain kantatu ditu, hamarreko handian edo, eta kito. Kartak ezkutatzen ari zen ala hori da bere bertsoen idortzea? Ez dakit. Uste dut eskainiko digula zerbait berria finalean, sotila beharbada, baina landutakoa. Artista da Maialen, eta artista den heinean, badu banitate puntua, eta arrastoa utzi nahiko du. Laguna dut, baina era berean asko miresten dut, historia egin duen bertsolaria delako, ibilbide zaila aukeratu duelako, etengabe berrikasten, eta sortzaile onenen eskuetan dagoena lortu duelako: estilo propioa garatzea eta arrakasta izatea. Ohore txapeldunari.

Bertsoz kanpoko zera guztia, berriz, WIN handi bat orain artekoa. Batez ere goraipatu nahi nuke orain arteko plaza guztiak bete dituen bertsozalea, hari esker txapelketa itzela izan delako aurtengoa. Ezin aurki daiteke zale hoberik: bertsolari kuttuna aupatu, bai, baina bestearen bertso ona saritzen ere badakiena. X hizkiaz josita dugu Euskal Herriko altxorraren mapa.

Zorte on, zortzi bertsolariok, berdin epaile, gai-jartzaile eta antolatzaileok.

Ahalik eta gehien gozatu, bertsozalea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du
Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte
Gartxot komikigileak sortutako <em>Barruan</em> komikiko irudietako bat. ©GARTXOT / ATARAMIÑE

Kartzelak kolpatutako literatura bat

Iñigo Astiz

2002tik 2017ra bitartean kaleratutako liburu kolektiboetako testu hautaketa bat, Jose Mari Sagardui 'Gatza'-ren memoria liburu bat, eta Gartxoten 'Barruan' komikia kaleratu ditu Ataramiñek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.