Albistea entzun

Donostiako 60. Zinemaldia. Basquewood

Rol txiki bat maitasunez

Urtzi Urkizu -

2012ko irailak 22

Fikziozko euskarazko hiru film proiektatu ziren iaz Zinemaldian (Arriya, Bi anai eta Urte berri on, amona!). Bakarra izango da aurtengoa: Bypass. Nahiz eta euskarazko beste zinta batzuk egon diren aurten aretoetan. Edonola ere, konformatu beharko dugu urtean bat behintzat baldin badaukagu. Ez dezagun behintzat berriro 1993tik 2005erako basamortu lehor sakon hura berriro bizi. Aupa Etxebeste! apartarekin amaitu zen basamortu hura, Patrizio Etxebeste enpresaburu eta alkategaiaren familiaren gorabeherekin. Ramon Agirrek jokatu zuen rol hura, eta ordutik hainbat pertsonaia utzi dizkigu telebistan, antzerkian zein zineman. Askotan protagonista. Txikia, txikia da oso Michael Hanekeren Amour drama gordinean jokatzen duen rola. Baina ezingo dugu ukatu ematen digun poza aktore donostiar bat Fipresci saria jasotzen ikusteak. Cannesen Urrezko Palma irabazi zuen zintan Agirre ikusteak. Protagonisten bizilaguna da, eta bizpahiru aldiz baino ez da agertzen, sinesgarri. Eta, hain zuzen ere, hala gertatzen da Ramon bere rol gehienetan. Espero dezagun hemendik 25 urtera aktore donostiarra, Jean-Louis Trintignant aktore bikaina bezala, adineko pertsonaietan ikusteko aukera izatea. Sekulakoa da Trintignantek Hanekeren zintan egiten duen lana, edozein antzerki eskolatan erakusteko modukoa. Eta halakoen ondoan Agirre txiki ikusten badugu ere, etorkizunari begira jarriz bigarren mailako rol batek ateak ireki ditzakeela argi sumatzen da. Apaltasunez esan zigun goizean ez zeukala filmean egindako lanaz kontu askorik esateko. Baina nork daki? Orain frantsesez entzun dugun bezala, agian ingelesez ekoizpen erraldoi horietako batean entzungo dugu noizbait.

Oraingoz, datorren astelehenean Iñaki Elizaldek zuzendutako Baztan filmean ikusiko dugu. Hor ere rol txiki batean, antza denez. Baina jakina da detaile txikiek egiten dituztela handi zeluloide obrak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Kontzertu bat, Sanagustin kulturgunean. ©Alberto Beloki

Hamarkada bat beste bide batetik

Miren Garate - Gipuzkoako Hitza

Hamar urte bete dituzte Azpeitiko (Gipuzkoa) Sanagustin kulturguneak eta hura kudeatzen duen Kulturaz kooperatibak. Eredu propio bat garatu du kooperatibak euskarazko kultur sorkuntza sustatzeko.

 ©GORKA RUBIO / FOKU

«Sortzeko orduan ez diot mugarik jartzen neure buruari»

Mikel Lizarralde

Idoia Asurmendik sare sozialen bitartez eta beste zenbait musikariren bertsioak eginez ezagutarazi zuen bere burua. Orain, lehenengo diskoa argitaratu du: 'Ilun eta abar'.
 ©IñIGO URIZ / @FOKU

Harrespila, gutizia husteko

Ane Eslava

L'Alakran antzerki konpainiak 'Harrespila' ikuskizun performatiboa eskainiko du gaur eta bihar Altzuzako Oteiza museoan. Cromlech bat osatuko dute parte hartzaileekin batera
 ©MARIAJE FUENTE

Zero gradua

Berria

Juan Kruz Igerabide idazlearen (Aduna, Gipuzkoa, 1956) 'Doneaneko alaba' eleberrian, 1936ko gerrako gertakari latz batek txirikordatzen ditu unibertsitateko literatura irakasle eszeptiko bat den narratzailearen eta Doneaneko alaba gazte poetaren bizialdiak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna