Hizpideak

Baldintzak eta giltzak

Xabin Makazaga -

2012ko apirilak 24
Frantziak presidente sozialista izan dezan baldintza egokiak ikusten ditu François Hollandek. Lehen itzulia irabazi du PSko hautagaiak, puntu eta erdiz, eta, Nicolas Sarkozy uste bezain behera erori ez den arren, maiatzaren 6an Eliseoa irabazteko egokiera ikusten du Hollandek. Ezkerragoko eta berdeen hautagai zirenek eskatu diete boto-emaileei bigarren itzulian Hollande babesteko. Orain arte, gainera, lehen itzuliko irabazlea Frantziako presidente aukeratu izan dute. Eta Sarkozy izan da presidente izanik lehen itzulian irabazi ez duen aurreneko hautagaia.

Hollande eta Sarkozyren arteko lehia estuan, Marine Le Pen ultraeskuindarraren emaitzak jaso du arreta gehien. Frantziakoek, Euskal Herrian apalago ibili baita. Aitaren markak ondu ditu, sei milioi botorekin, eta bigarren itzulirako giltza eduki zezakeen. Baina Sarkozy eta Hollanderen artean aukeratzeko askatasuna eman die bere boto-emaileei. Le Penen ametsa Frantziako eskuina gidatzea izanik —Sarkozyk utzi egingo du, galduz gero—, akaso gehiago komeni zaio presidente sozialista bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna