Albistea entzun

Hizpideak

Udalbiltza

Iñaki Petxarroman -

2013ko otsailak 27

Lizarra-Garaziko prozesuaren izar distiratsuenetako bat izan zen, herritar askoren interes eta ilusioaren pizgarri. Euskal Herriko lehen instituzio nazionala, zatikatutako herri baten irudi osoa ematea lortu zuen. Horregatik bakarrik bada ere, garrantzi itzela izan zuen Udalbiltzaren sorrerak.

Prozesuaren gainbeherak eta Espainiako Estatuaren jazarpen bortitzak lurperatu zuten, eta jende askoren ilusioa ere lur azpira etorri zen. Ezerezean geratu ziren Xiberoa Garatzen eta beste makina bat proiektu interesgarri. Polizia etxeak eta espetxeak bete ahala hustu zen Udalbiltzaren gaitasuna.

Orain berriz ere abiatuko dute instituzio nazionala. Askoz ere zarata gutxiagorekin, eta alderdi askoren falta agerian dela. Hala ere, orain hasiko da Udalbiltzaren benetako erronka. Erakundean egon nahi dutenak egongo dira, eta zereginak ez dira txikiak. Euskal Herriko mapa osatu beharko dute egunetik egunera, eta hala urratsak pilatuz joango dira azken helmugara iristeko: Euskal Herri burujabe bat lortzea munduko nazioen artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.