gurutze izagirre intxauspe
Hizpideak

Baionatik harago

2013ko martxoaren 15a
00:00
Entzun
Eta nola esplikatu atzerritar bati zer den Korrika: 2.580 kilometrotan Euskal Herria zeharkatzen duen euskararen aldeko martxa bat. Kilometro bakoitza erosi egiten da; pagatu egiten da lekukoa eramateagatik. Lekukoa ez da geratzen, gau eta egun, 236 orduz, 11 egunez, korrika. Eta lekukoak barruan mezu sekretu bat eramaten du. Ibilbidearen amaieran jakiten da mezua zein den. Milaka lagun korrika, etenik gabe, euskararen alde. Emozioak bor-bor, hunkigarria zenbait momentutan. Zenbat malko ez ote ditu isuraraziko 18. aldiak ere.

Euskaratik kanpo bizi direnei euskarara ekartzeko ekinbidea ere izan daiteke Korrika, euskara probatu ez duenak ez baitaki zer den hau. Hala, bada,aurten AEK-k aurten euskara ikasleak omendu nahi izan ditu.

Baina Korrikaren ondoren zer? Aldarrikapena garrantzitsua da, baina euskara egunerokoan dago konpromisoen beharrean, gizarteak norabide horretan arraun egiten segi dezan, eta egunotan sortuko den euskararen aldeko olatua ez dadin Baionan amaitu.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.