Albistea entzun

Analisia

Bermeak behar ditu Seaskak

Aitor Renteria -

2013ko otsailak 5

Prefetak bi mezu helarazi dizkio Seaskari: konponbidea atzemateko gogoa duela eta jakin behar dela gatazka bukatzen. Biak ala biak dira, ordea, ulergaitzak prefetaren partetik. Prefeta estatuaren ordezkaria delako, funtzionarioa. Legeak betearazten ditu, ez ditu bozkatzen, ez ditu proposatzen. Legea indarrean dagoena da, eta egin dezakeen gauza bakarra begiak ixtea da. Alegia, suprefetak egin duenaren aurkakoa. Baina ezin dio Seaskari berme hori eman, bere funtzioarengatik.

Gatazka bat garaiz bukatzen jakin behar dela dio. Begi onez ikusiko du Seaskak proposamena. Seaskak ez du liskarra piztu. Murgiltze ereduak legearen zirrikituak zapaldu eta gainditu ditu, ezinbertzean. Seaska beti joan da legearen aitzinetik. Legea betez, Seaskarenak eta euskararenak egin du.

Prefetaren gogoak ez ditu zailtasunak ezabatuko. Zailtasun politikoak dira, agintariek ezarriak. François Hollande Frantziako presidenteak hainbat promes egin zituen hautagai zelarik. Hizkuntza Gutxituen Europako Ituna berrestea zen bat, lege aldaketarekin, hezkuntza erreformarekin, lurralde erreformarekin batera. Arlo horietako bakoitzean daude Seaskak eskatzen dituen bermeak. Tokiko eragileek ongi ezagutzen dute behar hori, beharrak eraman baitu legeaz haraindi aritzera. Egoerak eraman ditu lurralde elkargoak beharko lituzkeen eskumenak definitzera. Legea tokiko biztanleen beharretara egokitu behar da, ez kontrakoa.

Tokiko gizarte eragileek eta agintari politikoek bezain ongi daki hori Frantziako Gobernuak. Manuel Vallsen hitzek, tamalez, ez dute akordiorako biderik uzten. Ikusi beharko da oraindik suprefetaren mugimenduak hasiberriaren ezagutza ezak eragin dituen edo goragotik heldu diren aginduak bete dituen. Eragile gehienek Vallsen eskua ikusten dute mehatxuaren gibelean. Berehala etorri da Seaskaren erantzuna. Termometroak sukarra erakutsi duelarik, bete ezin duen zina egin du prefetak. Mobilizazioa behin-behineko aspirina izan da berriz ere. Alta, egiturazko arazoa du Ipar Euskal Herriak. Begirada etorkizunean jarriz, egin beharreko urratsen egutegia osatu beharko du. Berme bakarra lege aldaketa delako, eta hori ere gobernuaren esku dago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.