Albistea entzun

Protestak herrialde arabiarretan. Libia

Tripolira, tranpaz jositako gurdibidean

'Garaipenerako autobidea' behar zuena, Nalutetik Tripolirako errepidea, tranpaz jositako gurdibidea ari da bilakatzen. Eta Gaddafi erori osteko egoerak ere kezkatzen ditu libiarrak: «Zeinek hartuko du agintea?».
Libiar matxinoak, hiru koloreko bandera daraman ibilgailuan, Nalutetik Tripolira bidean.
Libiar matxinoak, hiru koloreko bandera daraman ibilgailuan, Nalutetik Tripolira bidean. KARLOS ZURUTUZA

Karlos Zurutuza - Berriemaile berezia

2011ko abuztuak 26 - Nalut

Gogoan duzu Gaddafirekin xakean aritu zen gizon hura? Bada, tiranoaren dei bat jaso duela esan du telebistan», dio Kemal Azad nalutiarrak. Irakasle ohi honek Gaddafi erbestean zegoela uste zuen atzo arte. Edonola, benetan non dagoen «amerikarrek baino ez dakite», hemengo askoren ustetan. «Entzun duzu lau kazetari haien bahiketarena? Zawiya inguruan izan omen da». Astelehenean hemendik igaro ziren lau italiar haietaz ari da Azad.

Beste ehunka nazioarteko erreportari bezala, Nalutera iritsi eta bertako norbait kontratatu zuen Italiako taldeak. Tripolirantz jo nahi zuten, «berehala». Hiru orduko txangoa 500 dolarretan dago egun. Batzuk garestiago ordaindu dute dagoeneko. CNNren albisteen arabera, kazetariok bahitu eta jipoitu ditu errepide alboan gordeta zegoen talde batek. Askatu dituzte, baina gidaria, libiarra, bertan hil zuten, tiro batez.

«Kazetari andana hura autoetan sartzen ikusi nuenean oso harrituta gelditu nintzen. Jendeak uste al du hau amaituta dagoela?», zioen Juma Khanek. Gerlaria ziur dago kazetari gehiago sartuko direla arazotan datozen egunetan.

«Telebistak hori dauka, itzela da kateen arteko lehia norberak bere erreportaria Tripolin izatearren. Bost axola hortik kanpo gertatzen denak», dio Marc Herman erreportari estatubatuarrak. Berak ere «hitz pare bat» trukatu zituen italiarrekin auto hartan sartu aurretik.

Duela bi eguneko entusiasmoa apaltzen ari da gerlari nahiz erreportarien artean. Garaipenerako autobidea zena, antza, tranpaz jositako gurdi-bide bilakatu da azken orduotan. Sniper hitza gero eta maizago entzuten da, baina frankotiratzaile gutxi batzuk ez bide dira mehatxu bakarrak Tripolirako bidean: «Gaddafiren jarraitzaileek ez dituzte armak berehala utziko». Hamid Azabi gerlari komandanteak azaldu dio BERRIAri. «Denok ezagutzen dugu elkar Libian, badakigu bizilaguna gerraren zein aldetan zegoen. Batzuek borrokatzea dute irtenbide bakarra, jakin baitakite nekez aterako direla bizirik bestela».

«Datorren astean Kabulen egon behar dut, beraz, astebeterako baino ez naiz etorri», dio Joao Soaresek, Brasilgo Global TVko kazetariak. Irango Press TV kateko Rene Marchandek, ordea, oso bestelako ikuspegia dauka: «Askok berehala bukatuko dela uste dute, baina beldur naiz honek luzeegi ez ote duen joko. Oker egotea espero dut, baina baliteke Tripoli Bagdad bezalako infernua bilakatzea», dio kameralariak.

Ahmed Wahid nalutiarra bat dator, baina xehetasunekin. «Tripoli mendean hartu ondoren sortuko da iskanbila. Zeinek hartuko du Libiako agintea Gaddafirekin bukatu ostean? Bengaziko jendeak? Gaddafiren aldeko eta kontrakoen artekoa baino askoz ere zaharragoa da libiarron ondoeza», dio Wahidek, Ramadan bukaerako azken otoitzari ekin aurretik. Baraua hautsi bezain laster, Tripolirainoko bidea astuna izango da berriz. Gaur ere bai.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestari talde bat Bolsonarok koronabirusaren pandemiaren aurrean egin duen kudeaketarengatik protestan, urriaren 8an, Brasilian. ©JODSON ALVES / EFE

Bolsonarori «erailketa masiboa» egoztea proposatu du Senatuak

Gorka Berasategi Otamendi

Ikerketa batzorde batek, behin-behineko txostenean, ondorioztatu du Brasilgo presidentea gizateriaren kontrako krimenen erantzule dela, pandemiaren aurrean «arduragabe» jokatzeagatik

Talibanen ordezkaritzako kideak, atzo, Moskun, Sergei Lavrov Errusiako Atzerri ministroa haien atzetik pasatzen ari zenean. ©ALEXANDER ZEMLIANICHENKO / EFE

Errusiak Afganistanerako «bakea» eskatu die talibanei

Ander Perez Zala

Moskuk integristen ahaleginak goraipatu ditu, baina ohartarazi die «gobernu inklusibo bat» behar dela egonkortasuna lortzeko. Sunitek herrialdearen «bakartzea» kritikatu dute

 ©Yahya Arhab / EFE

Yemenen gerra krimenak egitea egotzi diete Riadeko eta Abu Dhabiko eliteei

Igor Susaeta

Giza eskubideen aldeko talde batek salatu du, Londresen, Saudi Arabiak eta Arabiar Emirerri Batuek lotura dutela gizateriaren aurkako krimenekin

Rafael Grossi IAEAko zuzendari orokorra, artxiboko irudi batean. ©FLORIAN WIESER / EFE

Baliteke AUKUSek urpeko nuklearrak lortzeko lasterketa abiatzea, IAEAren ustetan

Ander Perez Zala

Rafael Grossi Energia Atomikoaren Nazioarteko Agentziako zuzendari orokorrak ohartarazi du litekeena dela «beste herrialde batzuek Australiaren adibideari» jarraitzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.