Albistea entzun
Emakumeen aurkako indarkeriari ez
Emakumeen aurkako indarkeriari ez

17. Korrika

Korrikarentzat ez dago Bizkai erdaldunik

Eurak ere euskaldun direla ohartarazi dute Enkarterrin, Meatzaldean eta Ezkerraldean
Euskalakari gazteak, atzo, lasterka, Balmasedan.
Euskalakari gazteak, atzo, lasterka, Balmasedan. JON HERNAEZ / ARGAZKI PRESS

Ibai Maruri - Berriemaile berezia

2011ko apirilak 16 - Barakaldo

Ostegun goizaldean sartu-irten txiki bat egin ostean, azkenean 17. Korrika Bizkaira iritsi da. Herrialde aldaketarekin ere doinu aldaketa txiki bat nabaritu da: atzo ohi baino trikiti doinu gehiago entzun ziren, eta Bizkaiaz hitz egiten duten abestiak ugari izan ziren.

Goizean batu zitzaizkion euskalakari bizkaitarrak lasterketari, Gordexola parean. Handik abiatuta, Enkarterriko hainbat herri zeharkatu zituen. Herrien arteko tarteetan taldea pare bat dozena ingurukoa izaten zen oro har, baina euskalakari tropelak erruz hazten ziren herriguneetan; batez ere, eskoletako umeei esker.

Zallan, adibidez, ehunka ume ibili ziren Korrikaren atzetik. Maristetako ikasleak uniformearekin atera ziren eskolatik, gona, galtzerdi luze, zapata eta guzti. Herria zeharkatu eta Balmasedara bidean, berehala agertu zen aldapa. Batzuentzat gogorra izan zen, eta bide erdian ito beharrean lasterketa utzi behar izan zuten. Hori ikusita, mikrofonotik animoak ematen hasi zitzaizkien: «Enkarterri euskalduna iratzarri behar dugu!».

Balmasedako herrigunean euskalakari mordoa zegoen Korrikaren zain. Herriko txikiek osatutako kuadrilla handi bat sarrerako biribilgunea inguratzen egon zen, bakoitzak bere ikurrintxoa eskuetan hartuta, lasterkari taldeari agur egiteko. Adin guztietako ikusleak zeuden espaloietan. Euskalakarien taldea haziz zihoan egiten zuen metro bakoitzeko, eta alde zaharrean kabitu ezinik ibili zen. Kale estuetan dendariak larri ibili ziren, sanferminetako entzierroa baitzirudien hark. Haurtzaindegiko umeak ere peto eta guzti atera zituzten kalera, supermerkatuko orgetan sartuta. Azkenean, baina, ez zuten lasterka egin. Begiratoki berezi haietatik erreparatu zuten nola igaro zen paretik jendetza.

Herriguneetatik kanpo ere bai

Lasterkariak galtzen hasi zen Korrika Balmasedatik Sopuertara bidean. Hala ere, kilometroak bata bestearen atzetik lotuz ibili zirenak ere ez ziren falta izan. Gogotik egin zuten lasterka, aldarrikatzeko Enkarterri ere euskalduna dela eta euskara maitatzen, ikasten eta erabiltzen dutela. Karrantzako jendea ere bazen tropelean, haien harana ez baitago aurtengo ibilbidean.

Dagoeneko eguneroko ohitura bihurtu da bertsoren bat edo beste entzutea. Atzo, Jokin Castañosek bi bertso eskaini zizkien bere eskualdeko euskalakariei.

Galdamestik sartu zen Korrika Meatzaldera, eta aurreneko eztanda Muskizen izan zuen. Jendetza atera zen kalera euskalari zirela ohartaraztera. Han ere, gehien bat eskola umeak izan ziren lasterkari. Indartsu egiten zuten oihu, gainera. Petronorri aipamenen bat edo beste egin zioten, ingurumena ahotan hartuta.

Abanton, dantzariek, nesken futbol taldeak nahiz alkateak eta alkateordeak eraman zuten lekukoa. 1.880. kilometroa herri horretatik igarotzerakoan bete zuen Korrikak. PSE-EEk eta ezker abertzaleak erdibana erosia zuten. Lehen 500 metroetan ordezkari sozialistak eraman behar zuen lekukoa, eta azkenetan abertzaleak. Azkenean sozialista gaixo zegoela-eta ezker abertzaleko kideak egin zuen kilometroa osorik.

Bilbon arratsaldean izango zenaren aurrerapen gisa, Santurtzin, Portugaleten, Sestaon eta batez ere Barakaldon milaka euskalakari ibili ziren kalerik kale lekukoaren atzetik lasterka.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Jainkosaz aldatzeko prest al gaude?
Indarkeria matxistaren kontrako protesta bat Gasteizen, artxiboko irudi batean. ©Jaizki Fontaneda, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.