JIRA

Laugunea

Angel Erro -

2017ko azaroak 15
Honakoa da azken moda. Sare sozialetako moda laburra. Lau hitzezko beldur istorioak. Erdaratik euskarara egokitu dute. Gazteak erakartzeko ezin egokiagoa. Menpekotasun kulturalaren alderdi jostaria. Hona adibide gutxi batzuk:

«Laburra izaten saiatuko naiz», «Gazteak erakarri nahi ditugu», «Ez naiz matxista, baina», «Ez naiz arrazista, baina», «Ez naiz homofoboa, baina» (berez, bainadun edozein esaldi), «Altsasuko gazteak urtebete kartzelan», «Ez zaizu ezer kostatzen», «Maite zaitut lagun moduan», «Hari bat irekiko dut», «Gu gobernagarritasunaren alde gaude», «Itzuliko zenidake hau euskarara?», «Hitz egin behar dugu», «Superpotentzia emozional bat gara», «X-ren musikala atera dute», «Monterrosoren eragina nabaria da», «Facebook-a irekia utzi duzu», «Els carrers son nostres», «Trago bat eta etxera», «Hitz jokoa bururatu zait», «Testuak erraz korritzen du», «Zure saldoa agortu da», «Sariari uko egin diot», «Partidu historikoa gaur telebistan», «Utzidazu Spotifyn zerbait jartzen», «Lau hitzetan esanen dizut», «Erretzeak hil egin zaitzake», «Ehun karaktere falta zaizkizu».

Kartzelako gaiak izan litezke. Guztiak, salbuespenik batere gabe. «Laugunea: BERRIAko nire gaurkoa».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna