BIRA

Segregazioa

Miren Amuriza -

2018ko maiatzak 9

Erlijioen irakaskuntza eskoletatik kentzeko eskatu dio Hezkuntza Laikoa elkarteak Legebiltzarrari eta kezka agertu zuen atzo, BERRIAri emaniko elkarrizketan, Eneko Marin taldekideak; laikotasunak gizartean duen oihartzun urriagatik nola, itunpeko ikastetxeek erakundeetatik jasotzen duten finantzaketa eskergagatik. Segregazioa aipatzen zuen eta, hasieran, atentzioa eman zidan arren (gainditzeke daukat zenbait termino umeei aplikatzeko baino astunagoak direlako aurreiritzi inozoa), laster lotu nuen gure eskola-ibilbidearekin.

HHn, gurasoen erabakiz joan ginen herriko ikastetxe erlijiosora edo publikora: amantal arrosa edo urdinarekin, bazkaritan etxeratu edo jantokian gelditzeko. Aukerak libreki egiten genituelakoan banatu ginen LHn: futbitokoak eta beste guztiak, «reli»-koak eta «alter»-ekoak (hautazkotzat erlijioa edo alternatiba zeukatenak), Reef zapatila originaldunak eta imitaziodunak. Institutuan, taldekatze definitiboak: ingelesekoak eta english plus-ekoak, ikas bidaiara zihoazenak (besteak beste, ordain zezaketelako) eta ez zihoazenak, batxilergora edo zikloetara bideratutakoak.

Erabaki, hautu, taldekatze haien ondorio dira, noski, gutako bakoitzak gaur egun dituen abantailak eta desabantailak. Eta erakundeek zer birplanteatua baduten arren, arazoa ez ote den guraso askok seme-alaba pribilegiatuak hezten jarraitu gura izatea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE
Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna