Jaurlaritzak teknologiara hurbildu nahi du hezkuntza

Hezkuntza Sailak STEAM estrategia aurkeztu du; heziketa zientifiko-teknikoan aurrera egiteko da. Teknologien arloan andreen presentzia sustatzea da helburuetako bat

Peru Azpillaga -

2018ko ekainak 19
STEAM ingelesezko Science Technology, Engineering, Arts and Mathematics hitzen akronimoa da, eta Eusko Jaurlaritzako Hezkuntza Sailak zientziak eta teknologiak egungo ikasketetan duten pisua handitzeko garatu duen estrategia berriaren ardatza da. Cristina Uriarte Hezkuntza sailburuak aurkeztu zuen atzo, Bilbon. Hortaz, hezkuntza sistema eraldatu egingo da hemendik aurrera, eta STEAM hezkuntzak, hots, eremu zientifiko-teknikoarekin lotutakoa —teknologia, ingeniaritza, zientzia eta matematika—, arteekin eta gizarte zientziekin lotura handiago izango du. Era horretan, modu integralean landuko dira arlo horietako kontzeptuak, eta horiek ikastea ahalbidetuko duten egoerak nahita eragiten saiatuko dira.

Estrategia berriarekin zientziaren eta teknologien presentzia handitu egingo da ikasgai guztietan. Hezkuntza Sailak adierazi duenez, Unescok berak nabarmentzen du zientziaren eta teknologiaren lanketa funtsezkoa dela ekonomiaren eta gizartearen garapenerako.

Hiru helburu zehaztu dituzte. Alde batetik, hezkuntza etapa guztietan heziketa eta prestakuntza zientifiko-teknikoa bermatzea; horretarako, eragile sozioekonomikoak ere inplikatu nahi dituzte hezkuntzan. Bestetik, hezkuntzaren arlo zientifiko-teknikoan lanbide bokazioa sustatzea da asmoa, arreta berezia eskainiz jardunbide horretan andrazkoei. Egun, alorrarekin lotutako lanbide heziketako ikasketetan, adibidez, emakumezkoak %9 dira soilik, eta hor badago lantzeko eremu bat. Azkenik, estrategia berria baliatu nahi dute, era berean, gizartean zientziari eta teknologiari lotutako kultura zabaltzeko. Eusko Jaurlaritzako iturriek aditzera eman dutenez, estrategia berriarekin lotutako zenbait jardunbide ikasturte honetan ipini dituzte martxan dagoeneko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: