Albistea entzun

Egoitz Urrutikoetxea eta beste bi lagun atxilotu dituzte Parisen

Erredakzioa -

2015eko urriak 7 - Baiona

Egoitz Urrutikoetxea atxilotu dute Frantziako eta Espainiako poliziek. Atzo goizean egin zuten operazioa, Pariseko Saint-Denis auzoan, bi gobernuetako barne ministerioek azaldu zutenez. ETAren «aparatu politikoko arduradun garrantzitsutzat» jo dute Urrutikoetxea. Atxiloketaren berri eman zuen Ser irratiak, aldiz, gaur egun ETArekin loturarik ez duela esan zuen, «ikerketa iturriak» aipatuta. Parisen unibertsitate ikasketak egiten ari zela ere aipatu zuen, eta han bizi izan dela azken urtebetean. Jorge Fernandez Diazek argitu zuen gero hori: «[Iraileko operazioan] ETA burugabetu ostean, errebelorik onena atzeman dugu». Espainiako Barne ministroaren esanetan, «prebentzio eragin garrantzitsua» izango du atxiloketak.

Berri agentzien arabera, beste bi lagun ere atxilotu zituzten operazio berean, Urrutikoetxea harrapatu zuten pisuan. Ez zuten haien nortasunen berri eman.

Bi atxilotze agindu daude Urrutikoetxearen aurka: 2007koa bata, 2009koa bestea. Ihes eginda zegoela, bi aldiz epaitu zuen Parisko auzitegi korrekzionalak, ETArekin lotuta. Launa urteko espetxe zigorra ezarri zioten auzi bakoitzean. Preso egona da aurrez, 2000. urtean: bost hilabetez eduki zuten kartzelan, eta baldintzapean geratu zen aske ondoren.

Hainbat alditan jomugan

Poliziaren arabera, 2003tik zegoen ihes eginda. Espainiako eta Frantziako barne ministerioek nabarmendu zuten «hainbat urtetan» bilatu dutela. Lehenago, bi aldiz zabaldu zuten Urrutikoetxea atzeman zutela, hala izan gabe. Iazko martxoan, lagun bat atxilotu zuten Berrogainen (Zuberoa), ETAk agiria atera —egiaztatzaileekin armagabetzeko metodoa hitzartu zuela esan zuen— eta Baionako Bake Foruma ospatu zen egun berean. Ez zen Urrutikoetxea, ordea. Joan den irailaren 22an ere haren izena zabaldu zuten, Baigorrin (Nafarroa Beherea) egindako operazioaren harira. Baita Egoitzen aita eta ezker abertzaleko militante historiko Josu Urrutikoetxearena ere. David Pla, Iratxe Sorzabal, Ramon Sagarzazu eta Patxo Flores atxilotu zituzten orduan.

«Ustez helburu nagusi zenaren senide bat atxilotzeak» erakusten du, Sorturen arabera, «mendekuan» jarraitzen duela Espainiako Gobernuak. Atxilotuak askatzeko eskatzeaz gain, bozen atarian «'euskal herritarraren ehiza' aktibatzea» egotzi zion PPri. «Aro berria demokrazia terminoetan egonkortzea eragozten du errepresioaren aldeko hautuak». Maulen, protesta bilkurara deitu dute gaurko, 18:30ean, Kürütxe Xurian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»

Laba, "Oso latza izan da" solasaldia

Gatazka kontatzeko moduaren inguruko mahai ingurua, BERRIAn

Joxerra Senar

Samara Velte eta Maider Galardi ikerlariek, Emilio Majuelo historialariak eta Emilio Lopez Adan 'Beltza'-k hitzaldia eskaini dute transmisioaz, memoria inklusiboaz eta metodologiaz, besteak beste. Labak antolatutako lehen ekitaldia izan da.

Kataluniako preso ohi independentistak, Mertxe Aizpurua EH Bilduren Espainiako Kongresuko ordezkariarekin, gaur, Donostian. ©JON URBE / FOKU

Rull: «Espainiak salbuespen politika amaitu behar du»

Iosu Alberdi

Txalo artean hartu dituzte manifestazioan espetxean izan diren Kataluniako buruzagi independentistak. Alderdi eta sindikatuetako ordezkari guztiek eskatu dute salbuespeneko espetxe politikaren amaiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.