Noiz sortua: 2018-04-25 00:30:00

Jaurlaritzaren mahaia bi hankarekin utzi du UGTk alde egiteak

Patronalarekin lerrokatzea egotzi dio Arzak Gasteizko gobernuari. Mahaira itzultzeko eskatu dio San Josek
Raul Arza UGT-Euskadiko idazkari nagusia, atzo, sindikatuaren Bilboko egoitzan.
Raul Arza UGT-Euskadiko idazkari nagusia, atzo, sindikatuaren Bilboko egoitzan. LUIS JAUREGIALTZO / FOKU Tamaina handiagoan ikusi

Iker Aranburu -

2018ko apirilak 25

Confebasken konpainia bakarrarekin geratu da Eusko Jaurlaritza Elkarrizketa Sozialaren Mahaiaren bueltan. Organo horretan parte hartzea erabaki zuten bi sindikatuek iritzi diote Iñigo Urkulluren gobernuak hobetsi egin duela patronalaren konpainia, eta «desleialtasun» horrek mahaia uztera bultzatu ditu. Joan den ostiralean egin zuen ospa CCOOk, eta atzo haren bideari jarraitu zion UGTk.

Bi sindikatuek arrazoi bera eman dute Elkarrizketa Soziala ren Mahaia uzteko: Jaurlaritzak eta Confebaskek itun bat sinatu izana, haien arteko lankidetza sakontzeko bete beharreko lanpostuen azterketan. CCOOko Loli Garciaren antzera, Raul Arza UGT-Euskadiko idazkari nagusiak uste du gai hori bete-betean dagokiola elkarrizketa mahaiari, eta, enpleguari eta haren kalitateari buruzkoa denez, «beharrezkoa du sindikatuen esku hartzea». Are gehiago, atal batzuk jada mahaian jorratzen ari zirenez, «ustekabea» eragin dio itun hark sindikatuari. «Eusko Jaurlaritzak elkarrizketa sozialaren hanka baten aldeko apustua egin du, eta hanka hori enpresaburuak dira. CCOO, UGT eta Lan sailburua bidean geratu dira», azaldu zuen Arzak, atzo Bilbon egindako agerraldian.

Hain zuzen ere, Arzak iradoki zuen Gasteizko gobernuaren barruan estrategia desberdinak daudela. Izan ere, patronalaren Enplegu Sailak sinatu zuen ituna (Beatriz Artolazabal jeltzalearen sailak), baina negoziazio kolektiboaz Lan Saila arduratzen da (Maria Jesus San Jose sozialistarena). «Ez da nire lana Jaurlaritzaren barne gatazketan esku hartzea, baina sailburu sozialistek aintzat hartu beharko lukete».

Jaurlaritzaren mezuan, ordea, ez da arrakalarik izan. San Josek eta Josu Erkoreka bozeramaileak (EAJkoa) antzeko hitzekin erantzun zioten UGTren iragarpenari. «Desadostasunen aurrean irtenbideak ezin du izan gizarte elkarrizketaren eta kontzertazioaren bidea uztea», esan zuen Lan sailburuak, eta mahaira itzultzeko eskatu zien UGTri eta CCOOri. Erkorekak ziurtatu zuen Jaurlaritzak ez duela amore eman, eta Elkarrizketa Sozialaren Mahaia «berreskuratzen» saiatuko dela azaldu zuen. Besteak beste, Confebaskekin hitzartutako puntu batzuk «derrigorrean» eraman behar direla organo horretara.

CCOOk ez bezala, UGTk ez du utziko generoen arteko soldata arrakala aztertzen ari den mahaia. Sindikatu bakarra izango da organo horretan. ELAk hasieratik uko egin dio parte hartzeari, LABek bilera bakarrean hartu zuen parte, eta CCOOk ere utzi egin du. Arzak, ordea, nabarmendu du mahai «desberdin» bat dela, eta Eusko Legebiltzarraren aginduz osatu dela. Mahai hori enpresetan berdintasun planak bultzatzeko baliatu nahi du UGTk. «Jakin nahi dugu 250 langiletik gorako euskal enpresetan zenbatek duten berdintasun plan bat, erregistro ofizialean bi baizik ez direlako agertzen», azaldu zuen Arzak.

Abertzalerik gabeko foroa

Elkarrizketa Sozialaren Mahaia 2014. urtean bultzatu zuen orduko Enplegu sailburuak, Juan Mari Aburtok. Hasieratik hanka motz jaio zen mahaia, ez parte hartzea erabaki baitzuten ELAk (ordezkaritzaren %40 ,76 du Araban, Bizkaian eta Gipuzkoan) eta LABek (%18,98). Bi sindikatu abertzaleek argudiatu zuten mahai horretatik kanpo geratuko zirela gai nagusiak, eta Jaurlaritzaren «murrizketa politika zuritzeko» baizik ez zuela balioko. Ordezkaritzaren heren batera ere ez ziren iristen Jaurlaritzaren proposamena onartu zuten sindikatuak: CCOOk %18,85 zuen 2017 amaieran, eta %10.68, berriz, UGTk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Brasiliako dendetako langileak, COVID-19 proba egiteko ilaran. ©Joedson Alves / EFE

5,6 milioi gaixotu dira munduan, eta 350.000 baino gehiago hil

Berria

Munduan 5.594.175 kasu positibo baieztatu dituzte, eta 350.531 lagun hil dira COVID-19aren eraginez. Oraindik ez dira sendatu kutsatutakoen erdiak ere. Johns Hopkins Unibertsitatearen arabera, 2.288.579 dira sendagiria jaso dutenak.

Hildakoak oroituko dituzte Hegoaldeko erakundeek

Hildakoak oroituko dituzte Hegoaldeko erakundeek

Arantxa Iraola

Bat egin dute Espainiako Gobernuak gaur dolua erakusteko ezarri duen hamar eguneko epealdiarekin, eta eguerdian minutu bateko isiluneak egingo dituzte

Herritarrak ilada egiten Gasteizko supermerkatu batean, apirilean. ©Endika Portillo / Foku

Saltoki handiek %21 handitu zuten janari salmenta apirilean

Iker Aranburu

Hala ere, %5,3 gutxiago saldu dute, beste produktuen salmenta %64,4 hondoratu zelako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna