Albistea entzun

Nafarroa Oinez urriaren 16an eta 17an egingo dute

Lizarrako ikastolak antolatuko du jaia. Ikastetxearen 50. urteurrena izanik, egitarau bat prestatu dute abuztuaren 13rako eta 14rako

Jon O. Urain -

2021eko uztailak 23

Lizarrako ikastolak antolatuko du aurtengo Nafarroa Oinez, ikastolaren 50. urteurrenean. Horretarako, eta oraindik COVID-19aren izurria izaten ari den eragina aintzat hartuta, erabaki dute festa asteburu batean zehar egitea, egun bakarrean egin beharrean. Hori horrela, urriaren 16ko eta 17ko asteburuan izango da jaia, antolatzaileek atzo jakinarazi zutenez: «Pandemiak ezarritako jarraibidea kontuan hartuta, esate baterako lekuen edukieraren kontrola, festa bi egunetan egiteak jende gehiagok disfruta dezan ahalbidetuko duelako, hain zuzen; betiere segurtasun neurriak errespetatuz».

Aurrez, ordea, ikastolaren urteurrena ospatuko dute, abuztuaren 13an eta 14an. 13an, ostiralarekin, 20:00etan, ikastetxearen ibilbidea errepasatzeko ekitaldi bat egingo dute Los Llanos zinemetan, aurtengo Nafarroa Oinez-en bideoklipa ezagutaraztearekin batera.

Abuztuaren 14an, larunbatarekin, publiko anitzarentzako ikuskizunak eskainiko dituzte. 12:30ean Los Llanos Kulturaguneko Lorategietan, Kiki eta Koko pailazoak ariko dira, doakoa izango den Bizi-bizi Zirkua saio parte-hartzailearekin; eta geroago, leku berean, helduentzako bi kontzertu prestatu dituzte: Paulantropia, 20:30ean, eta Gatibu, akustikoan, 22:00etan. Musika taldeetarako sarrerak hurrengo estekaren bitartez eskuratu daitezke, Estella-lizarra.sacatuentrada.es helbidean, eta hamabi euroko salneurria izango dute.

Jai «koherentea»

Antolatzaileek azaldu dute «euskararekin eta euskal kulturaren hedapenarekin koherentea» dela egitaraua, «Lizarraldeko bizilagunei eta bisitariei zuzenduta dagoena, urriko asteburuaren atari gisa balioko duten abuztuko bi egun horietan zehar, hezkuntza eredu honen ibilbidea eta lorpenak mundu guztiak ospa ditzan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pedro Sanchez Espainiako Gobernuko presidentea, atzo, Kongresuan, gobernuaren kontrol saioan. ©EMILIO NARANJO / EFE

Aurrekontuak ere epizentroan

Jon O. Urain

Otegiren adierazpenen harira, Sanchezek esan du ez dituela askatuko presoak EH Bilduk kontuak babestearen truke. PPk EH Bildu «zuritzea» leporatu dio Espainiako Gobernuari
Sortuko ehunen bat kide, atzo, Donostian plazaratutako adierazpenean. ©JAGOBA MANTEROLA / FOKU

Bakerako eta elkarbizitzarako «ausardiaz» segituko du Sortuk

Enekoitz Esnaola

«Aterabide demokratikoa» eskatu du ETAren jarduera armatuaren bukaeraren 10. urteurrenean
Biktima guztientzat errekonozimendua eskatzen duen kartel bat, Eusko Legebiltzarraren parean. ©JUANAN RUIZ / FOKU

Memoria duen etorkizunera

Iosu Alberdi

EAEko Ahal Dugu-k «espazio partekatu bat» eraikitzeko beharra adierazi du. Sozialistek «demokraziaren garaipena» aldarrikatu dute; Covitek ukatu egin du halakorik gertatu izana
Eta zuk, nola oroitzen duzu ETAren jardun armatuaren amaiera?

Mugarria eta mugitu ez diren harriak

Julen Aperribai

BERRIAk iritzi eta testigantza bilketa bat egin du ETAk bere jardun armatuaren amaieraren berri eman zuenetik hamar urte igaro diren honetan. Oraindik egiteko dauden urratsen artean egiaren aitortza osoa, iraganaren analisi sakonagoa eta presoen aferari aterabidea ematea nabarmendu dituzte inkestatuek, nork bere ikuspegitik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.