Albistea entzun

Hilabetean %42 egin dute gora COVID-19agatik ospitaleratuek

647 paziente daude koronabirusak eraginda ospitaleetan Hegoaldean. Osasun agintariek zuhur jokatzeko eskatu diote gizarteari

Nafarroako Ospitale Gunea, artxiboko irudi batean.
Nafarroako Ospitale Gunea, artxiboko irudi batean. FOKU Tamaina handiagoan ikusi

Isabel Jaurena -

2022ko uztailak 5

Ospitaleratzeek eta ZIUetako egoerak ematen dute COVID-19aren bilakaerari erreparatzeko argia, eta gora eta gora ari dira. 647 pertsona daude ospitaleratuta gaitzaren ondorioz —Nafarroako Gobernuak emandako datuen arabera, 112-120 ospitaleratu zeuden atzo—. Eusko Jaurlaritzaren Osasun Sailaren datuen arabera, Araban, Bizkaian eta Gipuzkoan 527 ospitaleratu zeuden COVID-19ak eraginda iragan igandean; haietako 23, ZIUetan. Ekainaren 1ean 374 ospitaleratu zeuden gaitzarekin; horrenbestez, %42 egin dute gora ospitaleratzeek hilabete pasatxoan. Azken astean hildakoak, berriz, 22 izan dira Araban, Bizkaian eta Gipuzkoan; aurreko astean 30 izan ziren, Eusko Jaurlaritzaren Osasun Sailaren arabera.

Ikusi gehiago: Koronabirusaren azken datuak

Goranzko horrek kezkatuta, zuhurtziarako deia egin dute Eusko Jaurlaritzako eta Nafarroako Gobernuko osasun sailetako arduradunek. Batez ere maskaren erabileran egin dute azpimarra: toki itxietan eta jende asko elkartzen den guneetan maskara erabiltzeko eskatu dute; 60 urtetik gorakoei eta talde zaurgarrietan daudenei, batez ere.

Nafarroako Gobernuko Osasun Saileko zuzendari nagusiaren arabera, COVID-19a zabaltzen ari da omikronen B-4 eta B-5 aldaeren ondorioz, azkar zabaltzen baita.

Maskarak erabiltzeko deia

Nafarroako Osasun Sailak argi utzi du «birusaren zabalkundea murrizteko» positibo direnek eta sintomak dituzten horiek zer egin behar duten: «Egungo segurtasun neurriei jarraitu behar diete, eta bertze pertsonekin daudenean maskara etengabe erabili, harreman sozialak murriztu eta pertsona zaurgarriekin harremanak saihestu». Gainera, egoera zein den kontuan hartuta, guneen aireztapen egokia ziurtatzea «ezinbertzekoa» dela berretsi du.

Osasun zuzendari Carlos Artundok esan du txertatuen kopurua «oso handia» denez immunitatea dutenen kopurua ere handia dela, baina ospitaleratzeen igoera etengabeaz ohartarazi du. Hori dela eta, oraindik txertoaren hirugarren dosia hartu ez dutenei txertatzeko eskatu die.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Atzemandako kalamua. ©Ertzaintza.

700 kilo marihuana atzeman ditu Ertzaintzak Abantoko errepide batean botata

Berria

Kutxatan eta poltsatan gordeta zegoen kalamua, urbanizazio baten inguruko pista batean, bide ertzean botata. Merkatuan bi milioi euroko balioa lukeela zehaztu du Ertzaintzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...