Albistea entzun

Udal eta foru hauteskundeak. Ondorena

Hiru hileko epea negoziatzeko

Indar nafarrek 90 egun dituzte gobernuburua hautatzeko. Udal inbestidurak, bihar hamabost
Adriana Maldonado, Maria Txibite eta Maite Esporrin, igandean.
Adriana Maldonado, Maria Txibite eta Maite Esporrin, igandean. IÑAKI PORTO / EFE Tamaina handiagoan ikusi

Jon O. Urain -

2019ko maiatzak 31

Joan den igandeko udal eta foru hauteskundeetan azaleratutako emaitzek negoziaziorako tartea zabaldu dute orain alderdien artean, horien araberakoak izan bailitezke parlamentuan osatu daitezkeen gehiengoak. Navarra Sumak hogei parlamentari eskuratu zituen igandean, 11 PSNk eta bederatzi Geroa Baik, jarduneko lehendakari Uxue Barkos zerrendaburu duenak. Ikusteko dago, ordea, zeinek lor ditzakeen boto gehien inbestidura saioan.

Saio horrek, gaur-gaurkoz, ez dauka datarik. Parlamentariek ekainaren 19an emango dute hurrengo pausoa, egun horretarako baitago deituta legebiltzarra osatzeko bilkura. Parlamentuko Mahaia osatuko dute orduan, eta haren osaketak pistak eman ditzake datozen lau urteetarako osa litezkeen aliantzen inguruan. Gero, parlamentuko presidente aukeratzen duten parlamentariak bilera sorta bat egin beharko du talde politikoekin, hamar eguneko epean presidentegai bat aurkezteko ganberari.

Hortik aurrera, lehendakarigaiak gehiengo absolutua (26 parlamentari) behar du legebiltzarraren babesa lortzeko, eta, hala egin ezean, hautetsiek berriro bozkatu beharko lukete 48 orduko epean; presidentegaiak gehiengo absolutua beharko luke orduan. Hirugarrenez bozkatu behar izanez gero, bigarrenetik 48 ordu igarota egin beharko litzateke, eta gehiengo soila nahikoa izan liteke orduan: baiezkoak ezezkoak baino gehiago izatea.

Hautagai hori ez bada gai babesa lortzeko, parlamentuko presidenteak nahi bezainbeste hautagai proposa ditzake inbestidurarako. Hala ere, hauteskundeak egin zirenetik hiru hilabeteko epean ezein hautagaik ez badu lortzen parlamentuaren babesa, parlamentua desegin eta berriro ere bozetara deitu behar dela ezartzen du Nafarroako Foru Hobekuntzarako Legeak.

Udaletan, lehen indarra

Udaletan bestelakoa da inbestiduraren mekanismoa, Espainiako Hauteskunde Araudi Orokorra ezartzen baita erakunde horietan. Hauteskundeen egunetik hogei egunera egin behar dira udalbatzak osatzeko eta alkateak aukeratzeko saioak, eta, kasu horietan, boto gehien eskuratu duen indarrak erraztasun handiagoa dauka alkatetza eskuratzeko. Izan ere, lehen indarra izan ez den hautagai bat alkate izateko, beharrezkoa da udalbatzarraren gehiengo absolutua izatea.

Txibiteren arrastoaren atzetik

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñaki Subijana EAEko Justizia Auzitegi Nagusiko presidentea, 2016ko argazki batean. ©Juan Carlos Ruiz / FOKU

Lau guardia zibil torturagatik zigortu zituena

Igor Susaeta

EAEko Justizia Auzitegi Nagusiko presidente hautatu berria izan zen epaimahaiburu Portu eta Sarasolaren tortura kasuaren epaiketan. Frogatutzat eman zuen «tortura larriak» jasan zituztela, eta ebatzi zuten, besteak beste, guardia zibilak «mendeku gosez» aritu zirela.

Tentacles estudioko kideek atzo egin zuten prentsaurrekoan aurkeztu zuten diseinu berria. ©ENDIKA PORTILLO / FOKU

Adierazpen askatasunaren aldeko kanpaina bat hasiko dute sarean

Jone Arruabarrena

'All Pitufos Are Bastards' mezua daraman diseinuaren egileek adierazi dute otsailaren 23ko gertaeretan Udaltzaingoaren gehiegikeria salatzeko sortu zutela afixa

ETAren armak suntsitzeko ekitaldia, atzo, Valdemoron. ©CHEMA MOYA / EFE

ETAren «porrota» irudikatu dute Madrilen, 1.377 arma zapalduta

Maddi Ane Txoperena Iribarren

Espainiako Gobernuko, Jaurlaritzako eta Espainiako zein Hego Euskal Herriko polizietako ordezkariek hartu dute parte ekitaldi «sinbolikoan»

Atxiloketen aurka atzo, Iruñean, eginiko bilkuran zabalduriko mezuetako bat. ©Ahotsa.info

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Jon O. Urain

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna