Albistea entzun

«Plaza bat» behetik eragiteko

'Bizitzak eta lurraldeak' jardunaldiak egingo ditu Iratzar fundazioak apirilaren 9tik 11ra, Bilbon
Elena Beloki eta Pello Otxandiano, atzo, jardunaldien berri ematen.
Elena Beloki eta Pello Otxandiano, atzo, jardunaldien berri ematen. GORKA RUBIO / FOKU Tamaina handiagoan ikusi

Jon O. Urain -

2019ko martxoak 8 - Donostia

Iratzar fundazioak, Transform Europerekin, Olatukoopekin, Euskal Herriko Unibertsitatearekin eta Parte Hartuz ikertaldearekin batera, Bizitzak eta lurraldeak jardunaldiak antolatu ditu apirilaren 9tik 11ra. EHUk Bilbon duen Bizkaia aretoan izango dira saioak, eta helburua da «plaza bat» ematea tokiko gobernantzan, tokiko garapenean eta ekonomia eraldatzailearen alorrean diharduten eragile eta pertsonei, «gogoeta komun bat» egiteko.

Hiru eguneko egitaraua prestatu dute antolatzaileek. Aurrenekoan, «tresna teorikoak» landuko dituzte Jule Goikoetxea EHUko irakasleak, Imanol Esnaola Gaindegiako zuzendariak eta Beñat Irasuegi Talaios kooperatibako kideak, eta, segidan, solasaldi bat egingo dute Joan Subirats Bartzelonako Unibertsitate Autonomoko katedradunak eta Eleonora de Majo Napoliko (Italia) zinegotziak. Bigarren egunean, tokiko garapena, udalgintza eta ekonomia eraldatzailea uztartzeaz ariko dira Joseba Garmendia EHUko irakaslea, Patri Perales Iruñeko zinegotzia eta Karlos Renedo arkitektoa, eta, ondoren, Ivan Miro soziologo katalana mintzatuko da.

Azken egunean, burujabetza bederatzi ertzetatik landuko dute beste hainbeste eremutan diharduten zenbaitek, eta, jarraian, topaketen itxiera hausnarketa egingo dute Pello Otxandiano Sortuko Herrigintza idazkariak eta Ulrik Kohl Kopenhageko zinegotziak. «Herritartasun berri bati» buruz eztabaidatuz itxiko dute jardunaldia Pastora Filigrana SAT Andaluziako sindikatuko kideak, Susanne Schultz Alemaniako Rosa Luxenburgo fundazioko kideak eta Andoni Olariaga Iratzar fundazioko kideak.

Elena Beloki Sortuko kideak, Otxandianok eta Irasuegik eman zituzten jardunaldiei buruzko xehetasunak, atzo. Belokik nabarmendu zuenez, «badaude praktika komunitarioak erantzuna emateko bizitzaren pribatizazioari eta merkantilizazioari». Horregatik, beharrezkotzat du «behetik gorako logikak» baliatzea, uste baitu Euskal Herrian horretarako «tradizioa» dagoela. Hain justu, Otxandianok uste du tokian tokiko praktika «aberats» horiei «bezainbesteko baliorik» ez zaiela eman, eta, beraz, ezinbestekotzat jo du «burujabetza materialaren eraikuntza» balioestea.

Irasuegik kezka azaldu zuen herritarren bizimoduan kapitalismoak duen «nagusitasunaz»; haren iritziz, «burujabetza autoritarioa nagusitzen» ari da, eta, horren aurrean, erronka gisa jarri du «komunitate emantzipatuak lortzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Etxerat-ek antolatutako mobilizazio bat, Donostian. ©JAGOBA MANTEROLA / FOKU

Salbuespena desmuntatzen hasi den urtea

Iosu Alberdi

Euskal presoen %68,5 Euskal Herriko espetxeetan daude, eta gradu progresioak jasotzen hasi dira. Foro Sozialak uste du azken urtean «aurrerapauso sendoak» eman direla

 ©RAUL BOGAJO / @FOKU

«Gure ereduaren oinarrietako bat da printzipio komunitarioa»

Iosu Alberdi

Urtebete igaro da Espainiako Gobernuak Arabako, Bizkaiko eta Gipuzkoako kartzelen kontrola Eusko Jaurlaritzaren esku utzi zuenetik. Estrategia berria fintzen ari diren arduradun nagusietako bat da Artetxe.

Belaunaldi baten azkena

Julen Aperribai

Txillardegi, Albisu, Gantzarain, Benito del Valle eta beste zenbaitekin batera Ekinen sortzaile izandakoa hil da, 93 urterekin. EGIrekin erabat hautsi, eta ETAren eratze batzarra egin zuen belaunaldi hark, 1958an.
Iñaki Larramendi, gaztetako irudi batean. ©Berria

Iñaki Larramendi hil da, ETAren sortzaileetako bat

Julen Aperribai

Ekinen sorreran ibili zen, Bilbon, Txillardegi, Albisu, Gantzarain, Benito del Valle eta beste zenbaitekin batera. EGIrekin erabat hautsi, eta ETAren eratze batzarra egin zuten 1958an, Deban.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...